Diyarname
Me ji îro sê nûçeyên derketine pêş ji bo we neqandin... Daxuyaniya 1000 zanyarî, hejmara hemwelatiyên Almanyayê yên li Tirkiyeyê û HDP'ê xwest komîsyon ava bibe AKP'ê nexwest. 

1000 zanyarî got em li kêleka hev in
Îro li ser navê 1000 nivîskar, hunermend, zanyar, siyasetmedar û rewşenbîrî li Taksim Point Otelê daxuyanî hate dayîn. Pêşî nivîskar Oya Baydar axivî û got: "Em metirsiya xwe ya ji bo pêşerojê, reaksiyona xwe ya li hemberî tarîtiya ku welatê me ber bi wir de defh didin, ji bo em daxwaza xwe ya di nav sulh û aramiyê de bînin ziman, bi banga 'em li kêleka hev, bi hev re ne' bangî 80 mîlyonî dikin."
Paşê li ser navê 1000 kesî daxuyanî ji aliyê Tilbe Saran ve hate xwend. Di daxuyaniyê de hat gotin ku em naxwazin bibin du qutb, em naxwazin wekî tirk-kurd, laîk-oldar, erêparêz-naparêz, ew-em bêne cudakirin. Hat gotin ku çawa bawerî, ol, ziman, çand, şêweya jiyanê ya xwe me bi xwe hilbijartin, em dixwazin di nav rewşek azad, wemhev, bêpirt û hizûrê de bijîn, em  dixwazin bi hev ewle bin, piştgiriya hev bikin.
Rewşenbîran ji bo vê yekê jî xwestin OHAL (Rewşa Awarte) bê rakirin, mexdûriyet ji holê bê rakirin, dewleta hiqûqê li ser edalet, heq, daraza bêalî bê çêkirin...

44 hemwelatiyên alman girtî ne
Hikumeta Almanyayê ragihand ku 44 hemwelatiyên Almanyayê li Tirkiyeyê girtî ne. Mebûsê Partiya Keskan Ozcan Mutlu ji Serokwezîra Almanyayê pirs kir û hikumetê ragihand ku ji ji van 13 kes îsal hatine girtin, yên din di navbera salên 2006-2016'an de hatine girtin. Herî dawî rojnameger, wergerê Etkin Haber Ajansi Meşale Tolu hatibû girtin. Berî wî rojnameger û nûçegîhanê Die Weltê Deniz Yucel jî hatibû girtin.

AKP'ê nexwest lingên siyasî dekeve holê
HDP'ê ji bo lingê siyasî yê teşebusa derbeyê ya 15'ê tîrmeha 2016'an derkeve holê xwest Komîsyona Lêkolîna Meclisê bê avakirin. Ji bo vê yekê pêşniyarname da meclisê lê bi dengên AKP'ê ev daxwaz hat redkirin.