Diyarname

Li Cizîrê jinek bi navê Peyruze Pulat ku bi helm bû du roj berê şefeqê bi êşê ket û ew rakirin Nexweşxaneya Dewletê ya Cizîrê. Lê ji ber ku dixtorên zarokanînê nîn bûn kesî dest neda û li nexweşxaneyê Pulat ligel zarokê di zikê wê de mir. Feyruze Pulat a 31 salî ligel zarokê di zikê wê de defin kirin.

Mêrê wê Husnu Polat ji bo DHA'yê gotiye ku wan bi ambûlansê we biriye nexweşxaneyê, li nexweşxaneyê dixtorên pispor nîn bûn, li Silopiyê jî geriyane çare nedîtine û wisa dom kiriye: "Jina min bi êşê li ber çavên min mir. Pêşî gotin dilê wê sekiniye, paşê gotin me nekariya zarok jî rizgar bikin. Dema ji bo otopsî ez çûm Şirnexê min her tişt ji bo serdozger vegot û min xwest derbarê berpirsan de doz bê vekirin. Jin û zarokê min mirine, ez dixwazim ew bên cezakirin."

Li gotina rayedarek ku ji bo DHA'yê axiviye li Nexweşxaneya Dewletê ya Cizîrê çar dixtorên pispor ên zarokanînê di nav mehedê de hemûyan îstîfa kiriye. Ji du dixtorên mayî yek jê ji ber jina xwe tayîn xwestiye û dixtorek din jî di betlaneya cejnê de bûye. Û dixtorek nû ku tayîn jêre derketiye hê jî nehatiye Cizîrê.

Li navçeyek ku bi deh hezaran serjimariya wê heye, navçeyek ku dewlet nîqaş dike wê derê bike dewlet dixtor nîn e û zarok ligel dayikên xwe dimirin.