Diyarname

Komeleya Karsaz û Sanayîkarên Tirk (TUSÎAD) biryar girt ku navê xwe biguherîne. Di 48'emîn Lijneya Giştî de TUSÎAD'ê biryar girt ku navê xwe biguherîne. Li gor biryara hatiye girtin ji niha û pêde dê navê komeleyê "Turk Sanayici ve İşinsanlari Dernegi" be lê kurteya wê dê dîsa TUSÎAD be. 

Sedema guherînê wekheviya cinsî hat nîşandayîn. Di navê bere de "İş adamlari" (Karsazên Zilam) hebû ku bi vê yekê tenê mêr dixuyan, niha kirin "İşinsanlari" ku "insan" ne mêr, ne jî jinê nîşan dide, tiştek giştî ye.

Di civînê de Serokê TUSÎAD'ê Erol Bilecik xwest OHAL (Rewşa Awarte) bê rakirin û careke din çênebe. Her wiha wî biryara dadgehê ku ligel Dadgeha Bingehîn biryara berdana rojnameger Mehmet Altan û Şahin ALpay daye jî ew nayê berdan rexne kir. Bilecik wisa got: "Tiştê ku Dadgeha Bingihîn li ser piyan digire ligel tiştên di hundirê wê de, kirinên li derve ne jî. Rêgeza yekemîn a şaristaniyê bêşik edalet e, rêbaza civakê ya dewleta hiqûqî ye. Edalet nîn be pergal çênabe. Bi kurtahî ger demokrasî av be, cerê wê edalet e."