Antalya
Fîlmê derhêner Miraz Bezar ê bi navê "Min dît" li Festîvala Fîlman a Porteqala Zêrîn a Antalyayê hat nîşandayîn. Hin temaşevanan fîlm eciband, hinan jî reaksiyon nîşan da.

Fîlm piştî ku hat nîşandayîn li kafeyê li ser sohbeteke hat li dar xistin. Li wê derê hin nîqaş li dar ket. Hin temaşevanan reaksiyon nîşanî fîlm da û got ku fîlm bi pêşdaraziyan hatiye kişandin, tenê ji aliyekê ve li meseleyê dinêre. Hin temaşevanan jî gotin ku bûyerên li Amedê çêbûne bi awayekî rast hatine nîşandayîn.
Piştî nîqaşan derhêner Miraz Bezar, senarîst Evrim Alataş, serlîstikvan Hakan Karsak, Berivan Ayaz, Suzan İlir, Muhammed Al û Şenay Orak beşdarî gotûbêjê bûn.

Derhêner Beraz got ku ew zarokê malbateke ji Amedê ye, li Enqereyê hatiye dinê, piştî ku Akademiya Fîlman a Berlînê xwendiye xwestiye di sala 2005'an de li ser mirovên ku li Amedê û li wan deran dijîn fîlmekî bikişîne.

Bezar got ku tevî derhêner Fatih Akin karê sazkariya fîlm girtine ser milê xwe û ev yek lê zêde kir: "Amed bajareke ku bi çîrokan jiyaye. Li wir hûn bi kî re biaxivin çîrokeke wî/ê heye. Piştî guhdarîkirina van çîrokan divê min tiştekî bikira. Armanca min ew bû ku bi vî fîlmî tiştên ew mirov dijîn nîşan bidim, guh bidim wan.

Di gotûbêjê de hin ciwanan mafê axaftinê girt û wisa gotin:
- Destê we ter bin, lê tu demê Komara Tirkiyeyê dê nebe Kurdistan.
- Leşkerên tirk wekî di fîlm de tiştên wisa nakin. Hûn piştgiriyê didin kesên ku dixwazin Tirkiyeyê parçe bikin. Ji ber hûn berê xwe didin Hêzên Leşkerî yên Tirk ez we şermezar dikim.

Li ser van rexneyan derhêner Bezar got ku tiştên li Amedê û li wê herêmê têne jiyîn divê bêne nîqaşkirin û got: "Min bûyerên li wê derê bi fîlm tenê aliyeke wan nîşan daye.

Min Dîtê xelat girt

Di vê navberê de "Min dît"ê li Festîvala Fîlman a Navneteweyî ya Gentê ya li Belçîkayê xelata taybet a mansiyonê girt.

Min dîtê kurtedemekê berê li Festîvala San Sebastiyanê xelata ciwanan Gaztea, li Festîvala Fîlman a Hamburgê jî xelata "Ciwanên Jîr" bi dest xistibû.

Çend agahiyên li ser fîlm:

Mijara fîlm:
Li ser rêya Amed Batmanê, di şeveke tarî ya gulanê de rojnamegerê barê Gulistana 10 salî û birê wê Firat û diya wan li ber çavên wan tên kuştin. Piştî kuştina dê û bav, ew her du ji bo xwedî li birê xwe yê 6 mehî Dilovan derkevin dest bi firotina amûrên li mal dikin. Zarok piştî demekê êdî nikarin kiriya mala xwe bidin, li kuçeyên Amedê dest bi jiyanê dikin.
Di destê wan de tekane tiştê ku maye kaseta ku diya wan têde qala çîrokeke kiriye maye,.

Kunyeya fîlm:
Derhêner: Miraz Beraz
Senaryo: Evrim Alataş
Muzîk: Mustafa Biber
Lîstikvan: Şenay Orak, Muhammed Al, Hakan Karsak, Berivan Ayaz, Fahriye Çelik, Alişan Onlu.

***

Nûçeyên eleqedar:

- Fîlmên kurdî jî ketin dû Porteqala Zêrîn

- "Mîn Dît" li San Sebastianê xelat girt

- Dê Festîvala San Sebastianê "Min dît"ê bibîne