Diyarname
Festîvala Belgefîlman FîlmAmedê piştî salek navberê îsal carek din li dar dikeve û li benda belgefîlman e.

6'emîn Festîvala Belgefîlman a FîlmAmed îsal di navbera 23-27'ê gulanê de dê li Amedê li dar bikeve. 5 festîvalên berê bi piştgiriya Şaredariya Amedê hatibûn li dar xistin. Lê piştî ku dewletê bi kayyûmê dest danî ser şaredariyan FîlmAmed jî di nav de gelek festîval, xebatên hunerî ketin bin bandora vê kirinê. Ji ber vê yekê jî FîlmAmed par li dar neke. Îsal Pale Huner, Komeleya Akademiya Sînemayê ya Rojhilata Navîn û Şanoya Bajêr a Amedê bihev re vê festîvalê didin dest pê kirin. Ji ber vê yekê îsal bi diruşma "Fîlmê xwe jî bigire û were" hatiye hilbijartin.
Li gor agahiyên ku amadekarên festîvalê dane FîlmAmed nikare lêçûyînên kesên bixwazin werin Amedê bide lê yên bên Amedê dê bikare li wir ji bo wan mazûvaniyê bike. Her wiha FîlmAmed dixwaze yên bên jî neyên jî belgefîlmên xwe ji bo wan bişînin. Roja dawî ya şandinê 1'ê gulanê ye.

Ji bo kesên bixwazin belgefîlmên xwe bişînin:
Mail: filmamedd@gmail.com
Navnîşan:
Pale Huner
Diclekent villalari 257 Sok. No:10 Kayapinar/Amed
Telefon: 05446331578