Hewlêr
Serokê Herêma Kurdistanê, Mesûd Barzanî, êrîşa ku li Ahmet Turkê hevserokê berê yê DTP’ya hatî girtin hate kirin, şermezar kir.

Serokê Herêma Kurdistanê bi vegera xwe ya ji Lubnanê re, bi daxuyaniyekê êrîşa ku li Samsûnê, li Ahmet Turk hatî kirin şermezar kir.

Barzanî got: ‘Mixabin Serokê berê yê DTP’ya hatî girtin, Ahmet Turk, çend roj berê, ji aliyê hemwelatiyekî Tirkiyeyê ve li Samsûnê rastî êrîşekê hat’.

Barzanî êrîş şermezar kir û bal kişand ser girîngiya aştiyê û da xuyakirin, ku bi helwesteke dûrî tundûtûjiyê, divê ji bo peydakirina çareseriya kêşeyan bê hewildan.

Barzanî li hemberî êrîşê wiha dom bi gotinên xwe kir: ‘Ciyê kêfxweşiyê ye kurdan û tirkan bi hev re nerazayiya xwe li dijî vê êrîşê derbirrîn’. Her wiha, wî diyar kir, ‘Li Tirkiyeyê azadî û demokrasî her ku diçe bi pêş dikeve û vê yekê girîngiya pêşîlêvekirina demokratîk hê bêtir diyar kiriye’

Ji ANF'ê hatiye girtin