Diyarname
Tevgera Ziman û Perwerdehiya Kurdî (TZPKurdî) ji bo Cejna Zimanê Kurdî peyameneke nivîskî weşand û îsal ev cejn diyarî Ferhat Kurtay kir.
TZPKurdî di peyama xwe de wisa got: "Hawara Bîra Qedera Kurdî: Cejna Zimanê Kurdî…
Wek qedera bindestiyê, qedera zimanê bindest, qedera Zimanê Kurdî jî Hawar e..! Hawar û gazî ye. Hawara bîra şuştî, bîra kûr î bêav e..!
Lê gelê bindest, gelê kurd bi qêrîna Celadet Bedirxan û hevalên wî hişyar bû, hat “Hawar”ê, hat hawara xwe.
Şopdarên Celadet, lehengên gelê kurd, lawên vê axê, bîra ziwa bi xwêdan û xwîna xwe tije avek zelal, xweş û zanyar kirin. “Hawar”a Zindana Amedê bû qêrîn û “Hawar”a Kawayê Hemdem û bi zimanê şêrîn ê gelê kurd bû bang û tîrêjên agirê Ferhat…
Ji ber vê 15 Gulanê roja derketina “Hawar”ê, Hawara Celadet î ji bîra qederê, bû Cejna Zimanê Kurdî.
Ji ber vê Cejna Zimanê Kurdî ya îsal diyarî nemir Ferhat Kurtay e…
Qerîn, Hawar û Emanet pîroz in.
Ziman pîroz e.
Cejna Zimanê Kurdî Pîroz Be..!"

Her wiha Konga-Gel jî ji bo Cejna Zimanê Kurdî peyamenek nivîskî weşand. Di peyama xwe de îdamên ku li Îranê pêk hatine şermezar kir û xwest ku gel xwedî li wesîyeta wan mamosteyên kurd ku hatine îdamkirin xwedî derkevin.

Her wiha Kongra-Gel got ku di rojên 14-15-16 gulanê, Cejna Zimanê Kurdî de li ser zimanê kurdî bar dikeve ser milê saziyah. Her wiha hate gotin ku pêdivî bi bernameyên dewlemend heye ku di çapemeniyê de bêne amadekirin