Stenbol

Klûba Polîtîkayê ya Xwendekaren Zanîngeha Sabancî bang li Akbank û Garantiyê kir ku piştgiriya xwe ya ji bo Bendava Ilisû ku Heskîfê wê noqav bike bi paş ve bikişînin.

Xwendekaran li Zanîngeha Sabanci li ber Akbankê ku saziya Sabanci Holding e saeteke çalekiya rûniştinê pêk anîn. Piştî rûniştina xwendekaran klîba "Rewend" a Aynur Dogan, vîdeoya Okan Bayulken ku her du ji bo Heskîfê hatine kişandin hatin nîşandayîn. Her wiha fîlmê reklamê yên Garantî û Akbankê ku bi van polîtîkayên wan re li hev nake jî hat nîşandayîn.

Di daxuyaniyê de xwendekaran bal kişand ser ku gelek bankeyên Ewropayê dest ji projeyê berdane, lê Akbank û Garantî ku dibêjin xwedî li derdorê derdikevin heman gavî navêjin.

Di dawiya çalakiyê de îmzeyên ku xwendekaran berhev kiribûn ji Seroka Lijneya Rêveberiyê ya Akbankê Suzan Sabanci Dinçer û Serokê Lijneya Reveberiye yê Garantiyê Ferit Şahenk re şandin.

Daxuyaniya îmzeya li dor 600 kesî ve hatibû îmzekirin ku di nav wan de akademisyenên Zaningeha Sabanci, xebatkarên wê, xwendekarên lîsansa bilind, lîsansa doktorayê jî hebûn.

Hin akademisyenên ku îmze avêtiye bin metnê ev in:
Halil Berktay, Ayşe Parla, Aleks Wong, Ali Çarkoglu, Korel Goymen, Blaque Hough, Selçuk Akşin Somel, Hulya Canbakal, Nedim Nomer, İzak Atiyas, Sibel Irzik, Engin Kiliç, Işik Ozel, Ulug Çapar, Cem Guneri, Ayşe Yilmaz, Tulay Artan, Reyhan Tutumlu, Ayten Sonmez, Ayşe Oncu, Banu Gumuştus, Sonja Tack, Rûken Alp, Mehmet Şerif Derince, Sharon Turner,  Hasan Ersel, Eser Şekercioglu, Seçil Saribayir, Saygin Salgirli, Leyla Durlu, Kurşat Şendur, Ozlem Kazan, Mine Bag, Amy Stopper.

Ev nûçe ji aliyê Başak Gemici, Huseyin Ozen, Lezgin Ay ve hatiye amadekirin.

***