Diyarname

Lîstikvana navdar Bibi Andersson ku zêdetir bi rola 'Persona' ya di fîlmên Ingmar Bergman de navdar bûbû îro wefat kir.

Bibi Andersson di 11'ê sermaweza 1935'an de li Kungsholmen a Stockholma Swêdê hatiye dinê. Andersson li Festîvala Fîlman a Cannesê Xelata Lîstikvana Herî Serketî jî di jiyana xwe de gelek xelat girtin.

Andersson di sala 1954'an de di fîlmê "Herr Arnes Penningar" de dest bi sînemayê kir. "Midûrê Heftemîn" (1957), "Persona" (1966), "Smiles Summer Night" (1955), "The Girls" (1968), "Azweriya Anna" (1969), "The Kremlin Letter" (1970), "An Enemy of the People" (1978), "Xewna Pinpinîkê" (1994) jî di nav de di gelek fîlman de rol girt. Wê herî dawî di sala 2009'an de di fîlmê "The Frost" de lîst û herî dawî di sala 2012'yan de bi rola di belgefîlmê bi navê "Liv & Ingmar" de xatir ji sînemayê xwest.

Anderson di sala 1958'an de li Cannesê û li Berlînê Xelata Lîstikvana Herî Serketî, di sala 1968'an de ji Komeleya Rexnegirên Fîlman a Neteweyî ya DYA'yê (Bi fîlmê "Persona") û di sala 1975'an de ji heman komeleyê (bi fîlmê "Dîmenên ji Zewacê") Xelata Lîstikvana Herî Serketî girtibû.

Bibi Anderson di sala 2009'an de felc bûbû û rakiribûn nexweşxaneyê. Îro li Swedê wefat kir. Derhêner Christina Olofson ji bo kanalên swêdî axivî û eşkere kir ku Anderson miriye.