MÛŞ
Platforma Demokrasiyê ya Mûşê ku ji 53 saziyên civakî pêk tê, ji bo operasyon û çalakî bên rawestandin deklerasyonek weşand. Di deklerasyonê de daxwazên wekî, "Bila her du alî operasyon û çalakiyên xwe rawestînin. Dîsa pêwîst e di zûtirîn demê de makezagonek sivîl bê amadekirin û rê li ber perwerdehiya zimanê zikmakî bê vekirin."

Di civîna platformê de deklerasyona ku hatibû amadekirin ji aliyê Serokê Baroya Mûşê Sabahattîn Goçmen ve hat xwendin.
Goçmen got, "Olê me kuştina mirov qedexe dike. Em didin bibîrxistin ku ji bo rawestandina şer berpirsyariya hemû kesî heye."
Goçmen anî ziman ku ji bo pirsgirêk bê çareserkirin makezagonek sivîl şerte û xwest ev makezagona xwerû be nivîsandin û behsa tu nijadan tê de neyê kirin. Her wiha di deklerasyonê de hate gotin ku çareserî tenê wê li ser bingeha "Hemwelatîbûna makezagonî" bê afirandin.

Goçmen diyar kir ku ji bo çareseriyê û pêşerojeke azad dîyalog pêwiste û wiha pê de çû: "Bila PKK dest ji sebra xwe bernede. Dewlet ji bi hemû sazî û partiyên siyasi ve gavên bi ewle bi avêje. Bila çek bên rawestendin û mirov bi axivin."

Goçmen daxwazên platformê yên di deklerasyonê de cih digirin wiha bi rêz kirin: "Bila her du alî operasyon û çalakiyên xwe rawestînin. Dîsa pêwiste di zûtin demî de makezagonekî sivîl bê amadekirin. Di makezagonê de bila qala tu nijadan neyê kirin. Pêwîste hemû astengiyên li ber perwerdeya zimanê zikmakî bên rakirin. Navên cihên Kurdî yên berê bila bên îadekirin. Zarokên maxdûrên TMK'ê, siyasetmedar û şaredarên Kurd yên hatine girtin di zutirin demê de bên berdan. Zagona partiyên siyasî bê guhertin. Astengiyên li ber çapemeniya Kurdan bila bên rakirin û rojnamevanên girtî bên berdan. Di vê birînên ji ber OHAL'ê rûdane bên dermankirin û cerdevanî bê rakirin. Heta niha 17 hezar kesan di encama kuştinên kiryar nediyar de hatine kuştin. Ev jî divê bê ronîkirin û kiryar bên darizandin. Li bajarên ku Kurd lê dijin, cudakariya pozîtîf bila bê bikaranîn.

Saziyên ku deklarasyon îmze kirine ev in; Baroya Muşê, ÎHD, Odeya Bazirganî û Pişesaziyê, Odeya Esnaf û Zeneatkara, Odeya Ajokar û Wesayîtfiroşan, Odeya Çandiniyê, Kooperatîfa hilberînerên Pincar, Kooperatîfa Hilberînerên Tutinê, Yekitiya Mêşvanên Hingîv, Yekitiya Hilberînêrên Bizin û Pêz yên Tov, Yekitiya Hilberînerên Gayên Tov, Komaleya Çandê ya Pîr Sultan AbdalANADER, MUKADDER, Komelaya Genç Adimlar Derneği, Komelay Genç Bîrîkîm, MUÇEV, Komelaya Parastina Çavkaniyê Xwezayî, Nûnertiya Qeqfa Temayê ya Bajar, ASKF, Komelaya Mezûnên EML'ne yê Mûşê, MEYA-DER, TUHAD DER, Komelaya Çand û Hunerê ya Mûşê, Odeya Muhasebeciyên Serbet û Muşavîrên Malî yên Serbet, Odeya Endezyarê Makineyê, Odeya Endezyarên Înşaatê, Odeya Mîmaran, Odeya Endezyarên Jeolojî, Odeya Endezyarên Nexşeyê, Odeya Endezyarên Ceyranê, Şaxa Şeker Îş'ê, Şaxa Tarik Îş'ê, Nûnertiyên TES û Yol-Îş'ê, Hîzmet Îş, Nûnertiya Genel-Îş'ê yên Kop, Milazgirt û Gimgimê, Nûnertiya Egîtîm Bîr Sen'ê, Nûnertiya Buro Memûr Sen'ê, Çand Memûr Sen'ê, Şaxa Tum Bel Sen'ê, Şaxa SES'ê, Şaxa Egîtîm Sen'ê, Nûnertiya DÎVES'ê, Şaxa ESM'ê û Nûnertiya BTS'ê .

Ji ANF'Ê hatiye girtin