1'ê mehê ji Kobanî heta Rusyayê li ser kurdan nûçeyên derketine pêş me dan hev.
Vane ew nûçe:

- Meşa li Kobanî

Ji bo Roja Kobanî ya Dinyayê li bajarê Kobanî jî meş hebû. Meşa gel a pîrozbahiya roj3e li Qada Arîn Mîrxan dest pê kir û heta Qada Şehid Egîd dom kir.

- Ehmed hejmara 500 sivîl mirin

Rêvebera Meclisa Sûriyeya Demokratîk (MSD) Îlham Ehmed ku ev hefteyek e li DYA'yê ye li Washingtonê ye ji bo rojnamegeran axivî û got: "Di êrîşa Tirkiyeyê heta niha de 500 sivîl û 400 şervanan canê xwe daye. Zêdetirî 400 hezar sivîl koçber bûne. Ligel ku agirbest hatiye ragihandin jî komên girêdayî Tirkieyyê êrîşên xwe didomînin."

- 6 welatan piştgirê dan komîsyonê

Komîsyona ji bo çêkirina Zagona Bingehîn a ji bo Sûriyeyê 31'ê kewçêrê li Cenevreyê li hev civiya. DYA, Îngilistan, Erebistana Siûdî, Misir, Alman û Urdunê piştî dan xebatên komîteyê. Ligel komîte li ser Sûriyeyê dê nîqaşan bike jî ji Rêveberiya Xweser a Bakur û Rojavayê Sûriyeyê kes têde nîn e. Di nav kesên ji bo komîteyê hatine hilbijartin ji ENKS'ya ku hêza wê li nav gel nîn e hin kes hene.

-Lavrov: Hûn nikarin ji pirsgirêka kurd birevin

Wezîrê Karên Derve yê Rusyayê Sergey Lavrov ji bo televîzyona Rossiya-24 axivî û got: "Bi peymana li Soçî ya 22'yê kewçêrê me kir ku li Sûriyeyê pêşeroja kurdan ne bi leşkerî, bi awayekî aram biaxivin."

Lavrov li ser pirsgirêka kurd jî wisa gotiye: "Hûn nikarin ji pirsgirêka kurd birevin. Ev pirgirêk ji wekî parçeyek qeyrana Sûriyeyê wêdetir pirsgirêkek gelek berfireh e. Li Iraqê, Îranê kurd hene, helbet li Tirkiyeyê jî gelek kurd dijîn."

- 44 mexdûrên Parîsê name şandin

Di sala 2015'an de li Parîsê êrîşêke terorî çêbû. 44 mexdûrên vê bûyerê ji bo rojnameya frasiz Le Parisian nameyek nivÎsandin û bang li rêberên dinyayê kirin ku xwedî li kurdên ku li dijî DAIŞ'ê şer kirine derkevin. Di nameyê de wisa gotin: "Ger îro em di nav aştî û aramiyê de djîn em vê yekê deyndarê têkoşîna wan in. Ji 9'ê mehê de bi êrîşa dijî hiqûqên navneteweyîn êrîşê wan tê kirin. Em kesên ji êrîşa terorê rizgar bûne li hemberî êrîşa artêşa tirk em piştgirî û alîkariya xwe ya ji bo gelên li bakurê Sûriyeyê dijîn eşkere dikin."