Diyarname
Hunermend Mehmet Atli, Serdar Keskin û Murat Ozturk bi projeya xwe "Telkarî" li NÇM'ê bûn. Telkarîyê coş da temaşevanan.

Telkarî li bajarên kurdan, li Anatoliyê senaetekî girîng e... Ev senaet hunermend Mehmet Atli, Serdar Keskin û Murat Ozturk kişandine ber bi macerayeke nû ve. Van her sêyan bi sê gîtarên xwe li ser dikê rih da "Telkarî"yê.

"Telkarî" ku heta niha li çend caran derket ser dikê vê carê li NÇM'ê ji bo guhdarî muzîkê hate pêşkêşkirin. "Telkarî" projeyeke enstrumantal e ku tenê bi sê gîtaran tê pêşkêş kirin.

Li ser telkarî hunermend Mehmet Atli dibêje, "Gelek stran navên wan nîn in, dema me ji xwe re lê dixist me kêf jê digirt û me xwest van melodiyan bi we re par ve bikin" û wiha didomîne: "Li derveyî stranan xebateke enstrumantal e ku me navê Telkarî lê kiriye. Bi taybetî li Amed, Mêrdîn, Anatolî û hin cihên Mezopotamyayê karekî zîvê û ya destan e telkarî. Me jî ji vê telkariyê dest pê kir, me jê feyz girt û tişteke wisa çêkir. Muzîkeke xwe li wê aniye ye telkarî."

Her çiqas Atli bibêje navê stranan nîn in jî hin stran nav lê kirine. Mînak "Seksek", "Tasvîr-î efkar", "Kişwera çolê", "Li hewşê" û hwd. Her wiha Atli diyar dike ku wan yek jî ji bo bîranîna Mehmet Uzun amade kiriye.

Projeya telkarî ku xwe bi têlan, bi sê gîtaran di dengê enstrumanan de xwe nîşan daye, coşeke cihê, kêliyeke taybet pêşkêş dike û duh êvarê jî vê pêşkêşkirinê coş da temaşevanan.
"Telkarî" xebateke enstrumantal bû lê berî konserê temaşevanan ji Atli strana Mihemedo xwestibû û Atli jî bi vegotina "Mihemedo" dawî li konserê anî.

Foto: Selim Akgul