Diyarname

Li du bajaran bifikirin ku li yekê xelkê wir hemû kurd e lê li ya din tenê beşek niştecih lê ne. Em qala Batmanê û Cenevreyê dikin.

Li Batmanê Şaredarî di destê HDP'ê de bû û hevşerader Mehmet Demîr û Songul Korkmaz bûn. Roja 23'yê adarê Wezareta Karên Hundir a Tirkiyeyê ew ji peywirê girtin û bi kayyûmê dest danî ser şaredariyê. Her wiha ew girtin bin çavan û çend roj paşê serbest berdan. Kayûmê hat cihê wan rûnişt serê pêşî malpera şaredariyê beşa kurdî betal kir. Yanê wekî kayûmên din kurdî ji malperê rakir. Batman bajarê kurdan e lê kurdî li kurdan qedexe dikin.

Û Cenevre. Cenevre bajarekî Swîsreyê ye. Ne bajarekî kurdan e, lê hinek kurdên koçber xwe li wir girtine û li wir dijîn. Hejmar çend e nayê zanîn lê tenê qala bi hezaran tê kirin. Li Cenevreyê û bajarên din ji bo hişyariya vîrusa koronayê broşur hatine amadekirin. Bi çend zimanan ku têde kurdî jî heye.

Li bajarê kurdan kurdî li kurdan tê qedexekirin, li bajarê xelkê ji bo beşek kurdan xizmeta bi kurdî jî tê dayîn. Em her du bajaran ji bo şiroveya we didin ba hev û broşura Nivîsgeha Federal a Tenduristiya Giştî ya Swîsreyê pêşkêşî we dikin.

Ji bo broşurê bitikînin:

- EM ÇAWA XWE BIPARÊZIN