Diyarname

HDP'ê li ser gotina nûçegîhanê Rûdawê ku gotibû "Li hemberî çapemeniya kurd xesasiyetên Mithat Sancar hene, hevpeyvînê nade" daxuyanî weşand û got: "Tiştek wisa nîn e, ev gotinên nûçegîhanê Rûdawê berevajî ne, encama erîşên sîstematîk ên li ser partiya me ne."ije ye lê dê daxwaza we binirxînin û wisa dom dike: "Ji bo baş bê fêm kirin me jêre bername vegotiye û ji bo ev daxwaza wî bê cih jî emê hewl bidin. Di vî warî de hem bi devkî hem bi nivîskî me gotiye ku daxwazên ji bo Sancar tên em bi hûrbûnî dinirxînin, em bi heman awayî nêzî daxwazên çapemeniya kurd jî dibin û em her dikin ku bi erênî bersivê bidin. Di bersiva ku me dabû nûçegîhan de me qet negotiye Mithat Sancar hevpeyvînan nade çapemeniya kurd, ji bo çapemeniya kurd xeber nade."

Daxuyanî dibêje ku kurtedemek berê Hevseroka Me Pervir Buldan ji bo Rudawê hevpeyvîn daye û wisa dom kirine: "Di dema ku ji bo yekîtiya neteweyî hewl têne dayîn de li hemberî çapemeniya kurd tu helwesteke me ya wisa nîn e. Ligel vê yekê jî nûçegîhanê Rûdawê gotin berevajî kirine, wekî çapemeniya tirkan a navendî li hemberî HDP'ê helqesteke neyîni derdixe holê. Ev berevajîkirin û xirab nîşandayîna partiya me ne tesaduf e ku di dema êrîş li hemberî me zêde dibin de derketiye holê."

HDP'ê di daxuyaniya xwe de ev kirina nûçegîhanê Rûdawê xermezar kiriye û bang li wan kiriye ku ev agahiya şaş rast bike.