Diyarname

Akbank Sanat îro encamên Pêşbaziya Kurtefîlmên Li Mal eşkere kir.

Ji ber vîrusa koronayê her kes li malên xwe bûn. Çalakiyên hunerî hatibûn betalkirin û yên ku dihatin kirin jî bi ser online re bûn. Akbank Sanatê jî xebateke wisa dabû dest pê kirin: Pêşbaziya Kurtefîlmên Li Mal.

Pêşbazî di navbera 4'ê gulanê û 4'yê pûşperê de bû. Di vê demê de 429 kurtefîllm ji bo pêşbaziyê hatin şandin. Endamên juriyê Selim Evci, Fatih Kizilgok, Sami Kisaoglu,  Çagla Demiralp,  Arkin Kahyaoglu û Vehbi Bozdag li kurtefîlman temaşe kirin û yên serketî diyar kirin.

Di encamê de kurtefîlmê “Paranoya” ê Hazal Koç, kurtefîlmê “Daragacinda Eldivenler” ê  Ezgi İrem Mutlu, kurtefîlmê “Can’in Telefonu” ê  Metin Yüksel Alkan bi ser ketin û ew dê bi  makîneya fotografan "Lomography Lomo’Instant" bêne xelatkirin.

5 kurtefîlmên ku endamtiya salekê ya platforma sînemayê MUBÎ qezenc kirin jî ev in:  Sati Çagiran “Vera”,  Sureyya Çelik ”Sahra”, Tuvana Gunay “Gunun Başlangici”,   Ufuk Çavuş “Şimdi Sadece” û Doruk Yilmaz  “Son İş Gunu”

Her wiha kurtefîlmê Aykut Bayam “Uzaktan Aşure” û kurtefîlmê Guleycan Guneş “Sessiz Duş” bi xelata taybet a juriyê hatin xelatkirin.
**

Nûçeya Eleqedar:

- Pêşbaziya Kurtefilmên Li Mal