Diyarname

Ji Cizîrê, Wanê, Batmanê, heta Silêmaniyê 5 nûçeyên ku derketine pêş...

Li Wanê erdhej çêbû

Li Wanê bi meziniya 5.4 erdhej çêbû. Li gundên Qelqelî, li gundên Payîzavayê xisar çêbûn. Qala hin birîndaran tê kirin.

Li Cizîrê rewş giran e

Ev çend roj in agahiyên cur bi cur têne belavkirin û tê diyarkirin ku li Cizirê ji ber vîrusa koronayê rewş giran e. Tê gotin ku nexweşxane têrê nakin û daxwaza nexweşxaneya sahrayê tê kirin. Ev du roj in ji ser twittirê re tag jî têne vekirin. Îro jî bi taga #Deng Bide Cizîrê hat vekirin. Pispor bal dikişînin ser îzolasyon, navbera mirovan, bikaranîna masteyê û meseleya paqijiyê.

Hevşaredara Awîskê hat girtin

Li Batmanê roja 22'yê mehê cendirmeyan bi ser hin malan de girtibû û Hevşaredara Bajaroka Awîskê Hatîce Taş û Osman Karabûlût jî di nav de 24 kes hatibûn desteserkirin. Ji van duh 10 kes hatibûn berdan, îro 14 kesên din derxistin pêş dadger. Hevşaredar Taş, Karabalut û xebatkarê Şaredariyê Bayram Ozalp hatin tewqîfkirin. 7 kesên din bi qontrola edlî hatin berdan.

3 sivîl mirin

Ev çend roj in jetên şer ên dewleta Tirkiyeyê axa Başûr daye ber bombeyan. Li gor çapemeniya Başûr heta niha 6 sivîl di van bombekirinan de hatibûn kuştin. Îro jî li Kûnemasî ya girêdayî Silêmanî hat bombekirin û malbatên ligel zarokên xwe di seyranê de bûn bûn hedef. Tê gotin ku 3 sivîl mirine û 6 jî birîndar hene.
Li ser vê HDP'ê daxuyaniyeke nivîskî weşand û bûyer şermezar kir. HDP'ê wisa got, "Em vê rûreşiyê şermezar dikin û têkoşîna me ya li dijî vê hovîtiyê, dê heta serkeftinê bidome."

Heqaket li Demîrtaş kir lê hat berdan

Kesê bi navê Vedat M ku ji ser twitterê re heqaretên mezin li Başak Demîrtaş kiribû tenê rojek girtî ma û hat berdan.

Vedat M. 16'ê mehê hatibû girtin, lê hat gotin ku tenê rojek girtî maye û hatiye berdan.