Diyarname

Rojnameger Qehreman Şukrî ku li Duhokê hatibû binçavkirin hê jî agahî jê nîn e. Asayîşa Başûr tu agahî nade malbatê.

Ajansa Mezopotamyayê îro li ser rojnameger Şukrî nûçeyek weşand û têde dibêje ku 27'ê meha borî li Duhokê rojnameger Qehreman Şukrî ji aliyê asayîşa PDK'ê ve hatiye binçavkirin û hê jî agahî jê nîn e. Ajans radigihîne ku destûr nadin ligel malbat û parêzerên wî hevdîtin çêbibe û der barê girtina wî de jî tu agahî nadin wan.

Her wiha ajans radigihîne ku par, roja 26'ê rêbenda 2019'an jî dema gel li hemberî baregehên Tirkiyeyê rabûbûn ser piyan wî ew dişopandin û dîsa ji aliyê Asayîşa PDK'ê ve hatibû girtin û piştî 22 rojan hatibû berdan.