Hevpeyvîn: Cemil Oguz

Yek ji bajarên me yên feqîr Amed e. Li nav Amedê jî navenda Sûrê ye. Şaredariya Sûrê ji bo pêdiviya kincên a ji bo havîn û zivistanê ya kesên xizan çareser bike çend meh berê dest bi xebata berhevkirina kincan kiribû. Xebata ku di bin navê "Bankeya Kincan" hatibû dest pê kirin de gelek pêş ket û di encamê de bi navê "Hêviyên Nûjen" mexazeyeke vekirin. Em li ser vê xebatê bi Şaredarê Sûrê Abdullah Demirbaş e axivîn.

Pêşî tu dikarî ji me re qala destpêkirina projeyê bikî û armanca we çi ye?

Bankeya me ya kincan navê wê "Hêviyên Nûjen" e. Nêzî 4-5 meh berê wekî Meclisa Şaredariya Sûrê me biryarek wisa stand: Li herêma me bi taybetî gelek hemwelatiyên me yên xizan ku nikarin pêdiviya xwe ya kincan û xurekê çareser bikin hene. Bi feraseta şaredariya civakî, bi feraseta piştgiriya civakî gere ev bê çareserkirin. Lê dema ev yek bê kirin jî, ji cureya alîkarîdayîna bi awayê klasîk wêdetir, divê mirov tiştek li gor rûmeta mirovan be bike. Ji bo vê yekê me navê "Hêviyên Nûjen" lê kir. Di nav çar mehan de nêzîktêdayîna me ev bû: Kincên ku mirov li xwe nakin ji me re bişînin, em li vê derê, di mexazeya xwe de bidin mirovên vê derê.

Ji bo alîgirtinê we kîjan beşa civakê girt ber xwe, kî dikare alîkarî bike?

Di vê çarçoveyê de karsaz, tekstîlkar, konfeksiyonger û hwd. yên bi topten yan perekende kar dikir, me bi wan re têkilî danî. Bi mirovên li Stenbol, Îzmîr, Bursa, Edene, Mêrsîn û bi esnafên li Amedê re me têkilî danî. Projeya me bi eleqeyeke baş re rû bi rû ma. Helbet dema em vê dikin, em dixwazin mirovên li van deran û mirovên vê derê bigihên hev. Çarçove bi Sûrê re eleqedar e lê sînorê wê te tenê Sûr e. Em dikin ku xwe bigihînin hemû xizanan.

Hûn çawa alîkarî kî dikin? Mirov çawa tên û pêdiviyên xwe çareser dikin?

Em yek bi yek lêkolînê dikin. Li nav sûrê 9280 mal hene. Em yek bi yek li van digerin. Her wiha yên serî li me didin jî hene.Me ji bo van jî komîsyoneke ji 5 kesan pêkhatî ava kiriye. Di nav komîsyonê de endamên meclisa me, karmend, karker hene, me krîter diyar kirine. Di dema çêkirina van krîteran de li gor beşdariya demokratîk me ev çêkirin. Yanê, emê çi bidin kî, çawa bidin, bi çi şiklî bidin? Avakirin jî, pêkhatin jî demokratîk. Di heman demê de peywirdarên me yên ku van tesbît dikin hene. Yên peywirdar diçin li malan serîlêdanan tespîk dikin: Yên serî lê dane li gor krîteran in yan na? Ger li gor krîteran be em pûanan didin wî malî. Bi giştî serê ferdek3i em 20 pûanî didin. "Hêviyên Nûjen" şeş mehan carekê alîkariya kincan dide. Helbet, ger rewşa wan beş bibe, ne li gor krîteran be em alîkariyê dibin. Lê wekî kincên havînî û zivistanî em salê du caran alîkarî didin. Em bibêjin li malek 5 ferd hene em 100 pûanî didin. Yên li gor van krîteran in, pûanên xwe girtine, di heman demê de ji bo zewqa bazarê jî bi dest bixin, ji aliyê derûnî û civakî ve aciz nebe bi pûanên xwe diçin mexazeya ku me vekiriye û tiştên dixwaze ji refan hildibijêre. Li gor pûanên xwe tiştina digire, dixe poşetê û tê. Li ser poşetan jî Şaredariya Sûrê nanivîse. Poşetên normal in û dema bi wan poşetan here taxa xwe, bikeve kuçeyê xwe wekî ku ji mexaze dan û standin kiribe dixuye. Kes jî nizane ew alîkariyê digire.

Mexazeya we li ku ye?

Li aliyê Deriyê Mêrdînê, li derveyî bajêr e.

Baş e, kesên bixwazin alîkariya Hêviyên Nûjen bikin, çawa dikarin alîkarî bikin?

Di vî warî de em bang li kesên pejinkar dikin. Em dibêjin hûn jî alikariya mirovên ku di Hêviyên Nûjen de em alîkariya wan dikin. Mînak mexazeyên mezin, atolyeyên biçûk ên tekstîlê, malên wan ên ji firotinê zêdetir in, yan yên bi defo, yan jî di dest de mane hebin dikarin ji me re bişînin. Pêlav, kinc, ji bo zarok, ciwan, jin, extiyaran, ferq nake. Ha kincên hevînê ha ên zivistanê... Dîsa kesên kincên wan ên zêde, yan jî zêde neqetiyane lê li xwe nakin, ji me re biŞînin dibe. Ger bişînin Şaredariya Sûrê, Giysi Bank, Kolana Înonu, Amed wê bigihîjin ber destê me. Dikarin ji ser malpera me jî li navnîşana me binêrin. Ger nikaribin heqê kargoyê bidin, heqê kargoyê jî em didin.

Hûn alîkariya pereyan digirin yan na?

Na, em pereyan nagirin. Tenê em kincan dixwazin.

Li dinyayê yan li Tirkiyeyê mînakek wisa heye, yan modelek bi vî rengî?

Ez bawerim banka kincan, saziyên alîkariyê hene lê bi vî awayî ez hê rast nehatime, herî hindik ez niha bi tiştek wisa nizanim. Li Tirkiyeyê jî bi qasî ez dizanim xebatek wisa nîn e. Nêzîktêdayîna me piştgirîdyîn e, lê dema ev yek bê kirin jî rûmeta mirovan neyê şikestin.

**

Di vekirina mexazeyê de mebûsê BDP'ê Şerafettin Halis jî amade bû (Wêne: DÎHA)

***

Nûçeya eleqedar:

- Amedî li benda alîkariya we ne