Ciwan Tengezar

“Lola” (Der Deutsche Filmpreis) xelata herî mezin a fîlmên Almanyayê ye. Îsal fîlmê kurdî “min Dît” jî berendamê vê xelatê ye.

Ji premiyera ne fermî (Li Diyarbekirê, meha gulana 2009‘an) û premiyera fermî (Li Spanya-Sen Sebastianê, meha rezbera 2009‘an) heta niha bi qasî 2 salan derbas bûne.
Fîlm cara dawî îsal li “Berlinealle” de hat nîşandan, heta niha tev li 30-40 festîvalan bûye.
Derhêner bixwe 18 festîvalan de amade bûye.
Bi ya Miraz Bêzar taybetmendî û dîrokiya festîvala “Pusan”ê (Koreya başûr) heye.
1. Li seranserê cîhanê cara yekem tenê li Koreya başûr “Sînemaya serbixwe ya kurdî“ hatiye bi nav kirin û nasandin.
2. Konferansek li ser fîlmên kurdî hatiye li dar xistin. Miraz Bêzar, Mano Xelîl, Mustafa Gundogdu tev lê bûne; bîr û baweriyên xwe di der barê fîlmên kurdî de bi lêv kirine.
3. 10 fîlmên kurdî; fîlmên Yilmaz Guney, “Min dît”, fîlmên belgeyî nîşan dane. Festîvala “Pusan”ê nirx daye û xweseriya sînemaya kurdî nas kiriye/daye nasandin.
Danberheva temaşevanên Kurdistan/Tirkiyeyê û temaşevanên Koreya Başurê:
Min dît,
Li Kurdistan/Tirkiyeyê wekî fîlmeke belgeyî tê dîtin.
Li Koreya Başûr aliyê huneriya fîlm hatiye dîtin. Hevbeşiya çîroka Hänsel-Gretel hatiye hîs kirin (Temaşevanan gelek pirsên kûr û detay ji derhêner pirsîne)
Derhêner Miraz Bêzar bajarê Diyarbekirê mîna daristaneke kaotîk dibîne, mina çîroka Hänsel-Gretel.
Ez jê hîn dibim, ku ji bo ku konsantrasyona temaşevanan kêm û sist nebe, 2 sahneyên fîlm jê kirine. Lê belê temaşevanên Koreyî mîna ku wan sahneyan hest kirine, di derbarê sahneyên jê kirî de ji derhenêr pirs pirsgikirine.
Miraz xemgîn e:
“Mixabin fîlm li ser înternetê îlegal tê temaşe kirin; bi dublaja (senknirizasyon) almanî. Li Tirkiye jî hin malper, di linka xwe de dublaja almaniya fîlmê nîşan didin. Kêm û zêde bi qasî sed hezar kes îlegal lê temaşe kirine û hê tê temaşe kirin.”
Mîsyona fîlmê ziman e, zimanê kurdî ye. Temaşekirina dublaja almanî, armanc û mîsyona fîlmê pûç û bê mana dike.

Medya
Herî pir medyaya tirkî eleqe lê nîşan da, wekî rojnameya Zaman, Taraf û Radikal û televîzyonên wekî NTV û CNN Turk.
Bi tenê rojnamegerekî ANF’yê bi derhêner re hevpeyvîneke bi dîmen çêkiriye û ew di ROJ Tv de nîşan dane. Ji bilî Roj TV tu TV’yeke kurdî lê eleqe nîşan nedaye.
Cara yekem ji medyaya alman WDR fîlm kiriye.
Derhêner 4-5 salan li ser fîlma xwe xebitiye û pir zehmetî kişandiye. Derhêner dibêje ku ew pir westiya ye, loma di gelek kêlikên xweş de tehm jê negirtiye.

Lola
(ZDF-Freitag, 8. April 2011, 22.15 Uhr, Der Deutsche Filmpreis 2011)
8.04.11’an roja înê saet 22.15’an de zindî li ZDF’ê xelatên 2011’an ên almanî bên belav kirin. “Min dît“ jî di kategoriya senaryoyê de tevî du fîlmên din berendamê xelatê ye.
Ji nav 60 fîlman sê fîlm di kategoriya senaryoyê de bûne berendam.
Li Almanyayê 11.000 hezar kes li sînemayê li fîlmê “Min dît”ê temaşe kirine.
Fîlmê duyem ku di heman kategorî de berendam e, 1,5 mîlyon kes lê temaşe kirine
Fîlmê sêyem jî nîv mîlyon kes lê temaşe kirine.
Şansa bi destxistina xelatê, hindik e lê ev derfet nasandina sînemaya kurdî û her wiha nasandina derhênerê bixwe ye.

Miraz Bezar
Di sala 1971’ê de li Enqereyê hatiye dinê.
Kurtefîlmên wî: Berîvan, Fur Fern, Freiwild
Di warê şanoyê de berhema wî ya almanî “Das Märchen vom letzten Gedanken“
“Min dît” fîlmê wî yê yekem ê dirêj e.
Miraz li Berlinê dijî û xwe kurd/alman bi nav dike.
Miraz Bêzar xwe di parçeya pêncemîn a sînemaya kurdî de dibîne; parçeya 5’emîn Biyanistan (Diyaspora) e.