Diyarname

Li Ewropayê derziya yekemîn hat bikaranîn. WHO li hev dicive. Trumpî biryarname bi paş ve şand. Vane sê nûçeyên îro yên li ser Covid-19'ê...

Li Ewropayê derziya pêşî hat bikaranîn

Li parzemîna Ewropayê "Kampanyaya lixwedana derziya pêşî ya Covid-19" li Swîsreyê dest pê kir. Derziya pêşî li kantona Lucerne ya Zuriha Swîsreyê jineke 90 salî li xwe da.

Saziya tenduristiyê ya gel a Swîsreyê "Swissmedic" û kompaniya Pfizer-BioNTech bi hev re biryara derzîkirinê dabû û çar roj berê ev hatibû erêkirin. Derziya pêşî îro hat bikaranîn.

Ji derziya ku Pfizer-BioNTechê amade kiriye 107 hezar doz şandine Swîsreyê û Artêşa Swîsreyê ew li Kantonan belav kir. Li bendê ne ku di gava pêşî de 100 hezar kes vê derziyê li xwe bidin.

Li Cenevre, Friborg û Baselê 28'ê vê mehê, li kantona herî mezin Zurihê jî dê 4'ê meha pêşiya me dest pê bike.

WHO ji bo Covida nû dicive

Li Îngilistanê derket holê ku vîrusa koronayê şikil guhartiye û ev yek Ewropa xist nava tevgerê. Rêxistina Tenduristiyê ya Dinyayê (WHO) ji bo li ser vê yekê nîqaşê bike li hev dicive.

WHO'yê got ku tiştek zêde mirovan bixe nava tirsê nîn e, lê dîsa jî dê li hev bicive. Dîrektorê Herêma Ewropayê yê WHO'yê Hans Kluge gotiye, "Heta em baştir bibin xwedî agahiyan em rêwîtiyên xwe bi sînor bidin dê baş be."

'Vê alîkariyê zêde bikin'

Li DYA'yê di Kongreyê de biryar hat girtin ku 600 dolar ji bo alîkariya Covid-19 bê kirin, lê Serokdewletê DYA'yê Donald Trump biryarname îmze nekir û ji Kongreyê xwest vê alîkariyê derxe 2 hezar dolarî.

Di paketa ku biryarname şandine ber destê Trump de li ser Kamboçya, Myanmar û hin cihên din ku dixwazin alîkariya wir jî bikin hene lê Trumpî gotiye hin xalên ne hewce têde hene, biryarnameyeke makûl bişînin cem min.