Diyarname
Weqfa Hrant Dink ku her sal "Xelata Hrant Dink a Navneteweyî" dide îsal xelat da Ahmet Altan.

Di merasima xelatdayînê de (15.09.2011) navê Ahmet Altan wisa hat anonskirin: "Xelata Hrant Dink em didin Ahmet Altan. Wî dest jê berneda, têkoşîna xwe dom kir. Ji bo vê yekê Ahmet Altan."

Rojnamegera meksîkî Lydia Cacho ku aktîvîsta mafên mirovan û femînîst e jî xelata din a Hrant Dink girt.

Xelatê didin kî?

Yek ji Tirkiye, yek jî ji derveyî Tirkiyeyê, her sal kesên ku ji bo dinyayeke azad û adil, dinyayeke ji şîdetê, cudaxwazî û nijadperestî hatiye paqijkirin dixebitin; ji bo van îdealan zehmetî jî girtine ber çavan; zimanê aştiyê bikar anîne, di warê berdewamkirina têkoşînê de îlham û hêvî dane mirovan, xelatê digirin.

Endamên juriyê

îsal endamên juriyê ji Adalet Agaoglu, Judith Butler, Hasan Cemal, Daniel Cohn-Bendit, Rakel Dink, Irene Khan, Boris Navasartian û Baltasar Garzon Real û Tevgera Wijdanî Red a Tirkiyeyê (ku her duyan Xelata Hrant Dink a 2010'an girtibû) pêk dihat.

Xelata Hrant Dînk ev sêyemîn sal e tê dayîn