Diyarname

Maçên Kûpaya Zîraatê ya Tirkiyeyê îro hatin lîstin. Di maçên navbera tîmên kurdan de Cizîrê tam 4 gol avêtin Hakkarî sporê.

Dora 1'emîn a Kûpaya Zîraatê ya Tirkiyeyê îro bi beşdariya 72 tîman li dar ket. Di nav van de tîmên bajarên kurdan jî hebûn ku ew hatin hemberî hev. Ji nav van maça herî balkêş maça di navbera Cîzre Spor û Hakkarî Sporê de bû. Berî maçê Serokê Klûba Cîzre Sporê Salih Sevînç gotibû ku pereyên ji maçê bêne bi dest xistin dê ji bo Şirnexiyên di konan de bêne şandin. Ev aliyek meseleyê, aliyê din jî ev bû ku ji ber pevçûnên li Cizîrê tîm ji zû de bû dernektibû pêşberî temaşvan^ne xwe.

Maç li Stana Navçeyê ya Cîzreyê li dar ket. Di deqîqeya 34'an de Aykut Eren, deqîqeya 45'an de Onder Karaboga, deqîqeya 67'an de Feyzullah Şahin Guneş û di deqîqeya 88'an de Gulhan Ozdemîr golên Cîzre sporê avêtin. Bi vê Cîzre spor derbasî Dora 2'yemîn bû.

Dêrsim bi penaltiyan bi ser ket

Di maçên din ên tîmên bajarên kurdan de 12 Bîngol Spor û Dêrsim Spor 1-1 man. Di deqîqeyên zêdek de jî wekhevî xira nebû û encam bi penaltiyan diyar bû. Dêrsimê bi 7-6 bi penaltiyan Bîngol spor têk bir.

24 Erzîncan sporê mûş spor bi 1-0 têk bir; Kurtalar Sporê Van BB Spor bi 1-0 û Diyarbekir sporê jî Batman Petrol spor bi 4-0 têk bir. Ev tîm û tîmên din ên bi ser ketin dê derbasî Dora 2'yemîn bibin.

**

Nûçeyên eleqedar:

- Maça Cîzre spor û Hakkarî spor îro ye

- Di kûpaya Tirkiyeyê de tîmên bajarên kurdan (Maçên 06.09.2016)