Diyarname

13 rûpel, yanê 13 bûyerên girîng ên ji dîroka kurdan di pirtûkek de. Em qala pirtûka Celîlê Celilî ê bi navê "13 rûpelên balkêş ji dîroka gelê kurd" dikin. Pirtûk bi kurdî ji Weşanên Wardozê derket.

Abdulqasim Lahûtî kî ye? Kurdên barzanî nameyeke çawa ji bo Stalîn şandin? Nameya General Şerîf Paşa ya ji bo Wezîrê Rusyayê yê Karên Derve nameyeke çawa bû? Agahiyên li ser Serhildana Kurdên Bedlîsê ya 1914'an çi ne? 1913'yan de li bajarê Xoyê dibistaneke kurdan hate vekirin, vê dibistanê çi kir?  Di du destnivîsarên Ebdirezaq Bedirxan de ne çi hatiye nivîsîn? Bersivên van pirsan ji bo dîroka kurdan muhîm in ne? Û ligel van 13 pirsan temam bikin... Ew her yek di gotarek de hatine amadekirin û bi vî awayî hatine weşandin. Pirtûka ku niha li ber destê xwendevanan e tam qala van meseleyan û ji van zêdetir dike. Loma jî girîng e. Agahiyên ku her kes nikare xwe bigihîne di vê pirtûka Prof. Dr. Celîlê Celîl de hene.

Celîlê Celîl ku di sala 1963'ya de li Êrîvanê hatiye dinê, jiyana xwe li ser lêkolîna li ser kurdan û folklora kurdan domandine niha li Vîyanayê pirtûkxaneya mezin a li ser kurdan saz kiriye. Ji wê pirtûkxaneyê hin pirtûkên wî li Bakur derketine, niha ev pirtûk jî li wan hat zêdekirin. Di pirtûkê de agahiyên xweşik ên li ser sedsala 19'an û 20'an a kurdan nîşanî xwendevanan dide. Hêja ye pirtûk li hemû pirtûkxaneyên kurdan hebe. Wekî nîşeyek em bibîr bixin pirtûk çend sal berê ji bo tirkî hatibû wergerandin û ji Weşanên Evrenselê tirkiya wê hatibû çapkirin.

- 13 Rûpelên Balkêş ji Dîroka Gelê Kurd / Celîlê Celîl / Weşanên Wardoz / Dîrok /232 rûpel / 2020