Diyarname
Festîvala Filman a Navneteweyî ya Stenbolê ku ji aliyê Weqfa Çand û Hunerê ya Stenbolê (ÎKSV) ve tê organîzekirin îsal 40'emîn car li dar dikeve. Festîvalê ji bo Serokatiya Pêşbaziya Juriya Neteweyî navê Tolga Karaçelik eşkere kir.
Festîval îsal 1'ê avrêlê dê wekî online li dar bikeve û di meha pûşperê de beşa pêşbaziyê li sînemayan, li qadên ser vekirî û online li dar bikeve.
Festîval ji sînemayên dinyayê fîlmên derketine pêş, li festîvalên navneteweyî hatine nîşandayîn yan xelat girtine, fîlmên evsaneyan tîne dike mêvanên Stenbolê. Her wiha di çarçoveya festîvalê de gotûbêj, nîşandayînên taybet jî li dar dikeve.
Li aliyê din ji bo beşa Pêşbaziya Neteweyî dema serîlêdanê heta 26'ê vê mehê ye.
Tolga Karaçelik kî ye?
Derhênerê Tolga Karaçelîk di sala 1981'ê de li Stenbolê hatiye dinê. Fakulteya Hiqûqê ya Zanîngeha Marmarayê xwendiye. Yekem fîlmê xwe yê metrajdirêj bi navê "Gîşe Memuru" kişandiye û bi vê li Tirkiye û derveyê Tirkiyeyê gelek xelat girtine. Wekî filmê duyemîn "Sarmaşik" kişand û ev fîlm li Febtîva Sundance, Toronto, Karlovy Vary, East End FF (Xelata Fîlmê Herî Serketî), Selanik (Xelata Temaşevanan), Sao Paolo û gelek festîvalên din hat nîşandayîn. Paşê "Kelebekler" kişand ku di Festîvala Sundanceyê hat nîşandayîn û di beşa Dramatîk de Xelata Mezin a Juriyê git.
Karaçelîkê ku niha ji bo fîlmê xwe yê metrajdirêj ê çaremîn dixebite, dê Pêşbaziya Neteweyî ya Festîvalê bi rê ve bibe.
Nûçeya Eleqedar:
- Bi ser online re fîlmên ji festîvalên navdar hatine têne nîşandayîn
.jpg)
