WAN - MA

Mîtînga ku Tora Ziman û Çanda Kurdî û Platforma Zimanê Kurdî organîze dikir îro li Wanê dê li dar biketa lê polîsan astengî derxistin. Nîvro ji bo beşdarî mîtîngê bibin gel li Parka Ehmedê Xanî, Sanat Sokagi û li ber avahiya HDP'ê hatin ba hev. Gel dixwest ji sê aliyan ve ber bi qada mîtîngê ku wê li Parka Musa Anter li dar biketa ve bimeşe lê polîsah bi sedema "Destûr nîn e" destûr nade meşê.

Li ser vê yekê gel bi pankarta "Bila kurdî bibe zimanê fermî û zimanê perwerdehiyê" ber bi avahiya Rêxistina HDP'ê ya Wanê ve meşiya. Li ber avahiyê daxuyanî dan çapemeniyê.

HevseroKê KCD'ê Berdan Ozturk, Hevserokê DBP'ê Keskîn Bayindir, Serokê PÎA'yê Mehmet Kamaç, mebûsên HDP'ê, endamên Platforma Zimanê Kurdî,Tora Ziman û Çanda Kurdî, endamên TJA, Meclisa Dayikên Aştiyê û endamên saziyên sivîl amade bûn.

Hevserokê KCD'ê Berdan Ozturk li vir axivî, got ku mîtînga wan hatiye qedexikirin û wisa dom kir: "Ez bangî kesên ev qedexe kiriye dikim; Çûyîna we nêz e. Hûn jî, waliyê we jî hûnê li ber hiqûqê destûrê bedin. Her ziman ji bo mirovahiyê girîng e. Li Tirkiyeyê polîtîkayên yek ziman, yek dewlet, yek millet didomînin. Kayûmên şandin ser şaredariyan di serî de êrîşê ziman kirin. Ji ber ku dizanin ziman winda bibe çand winda dibe, mejî winda dibe. Li hemberî hemû zordariyan jî em xwedî li zimanê xwe derketin. Me çok dananî, emê daneynin jî."

Dûre ji sekreteryaya Tora Ziman û Çandê Bawer Berşev axivî, li ser berhevkirina îmzeyên ji bo ziman kir û got ku hedefa wan berhevkirina 2 mîlyon îmzeyan e.

Serokê PÎA'yê Mehmet Kamaç  jî got ku em wekî 60 mîlyon kurdî em dixwazin li Tirkiyeyê kurdî bibe zimanê perwerdehî, aborî û bibe zimanê fermî.

Piştî axaftinan bang li gel hat kirin ku îmzeyan bidin.

**

Nûçeyên Eleqedar:

- Li vir Mîtînga Ziman jî tê qedexekirin!

- Wê ji bo kurdî li 3 navendan mitîng bên lidarxistin