Diyarname

Dildarên sînemaya kurdî bi sernavê "Mîhrîcana Fîlman a Kurt û Kurmancî" pêşbaziyeke kurtefîlmên bi kurdî dane dest pê kirin. Ew li benda kurtefîlman in.

MIJARA BINGEHÎN 'ZIMANÊ KURDÎ' YE

Malpera "sînemayakurdî.com" û "Tor Film Production" bi hev re “Mîhrîcana Filman a Kurt û Kurmancî” lidar bixin. Yên ku vê bi rê ve dibin jî Ferat Kevir (Tor Film) û Ferhat Baysal, Ardin Diren (Malpera Sinemayakurdi ) in. Taybetiya vê mîhrîcanê ew e ku fîlmên ku bêne kişandin divê herî zêde yek deqe bin loma gotina  kurt û kurmancî bin. Mijara bingehîn a mîhrîcanê jî wekî "Zimanê Kurdî" diyar kirine. Yên bixwazin di vê çarçoveyê de dikarin kurtefîlmên xwe ji bo amadekaran bişînin. Roja dawî ya serîlêdanê 22'yê gelawêja/tebaxa 2021'ê ye.

"DIRÊJ BÊJE LÊ KIN BIBIRE"

Li ser armanca mîhrîcanê ew wisa dibêjin, "Dirêj bêje lê kin bibire! Beriya ku mirov bikevin dû çîrokên dirêj û qerase bi çîrokên biçûk û kurt karibin xeyalên xwe vebêjin. Armanc; di demeke kin de avakirina çîrokeke û bi derbeka kin sazkirina fîlmekî ye. Bide dû çîroka dilê xwe û zimanekî bi rêk û pêk yê sînemayî ava bike. Hêvî ew e ku em çavên çê li sînemaya kurdî zêde bikin. Çavên çê yên ku xwedî awir û çavdêriyên xurt in û li dû çelengîyêne!"

Ew dixwazin beşdar bi kurt û kurmancî filmekî 1 deqîqeyî ku mijar ziman be bikişînin ûe ji wan re bişînin.

XELATÊN MÎHRÎCANÊ

Li gor agahiyên ku amadekaran dan me îsal dê sê xelatên tematîk û Xelata Taybet a Kurdistanî belav bikin. Ligel xelatan dê ji bo her sê filmên pêşî, ji bo her yek ji wan 500 Euroyî belav bikin. Xelatên wan di bin van navan de dê bêne belavkirin. "Xelata Sîmemaya Amûdê", "Xelata Taha Karîmî", "Xelata Xelîl Dag" û "Xelata Taybet a Kurdistanî"

Ji bo agahiyên berfirehtir û serîlêdanê:

https://mihrican.sinemayakurdi.net