Diyarname

BaFinê (Lijneya Qontrola Bankevaniyê ya Almanyayê) cezayeke mezin li bankeya tirk Zîraat Bankasî (Zîraat Bankasî International AG) birî û hin astengî jî derxistin pêşiya wê. Ji Tirkiyeyê ji bo midûrtiyê 4 berendamên midûran şandin, lê BaFinê hemû red kirin.

Li gor nûçeya Ali Gulen a di rojnameya Sozcu de heta niha BaFinê ji bo tu barkeyeke li Almanyayê biryareke wisa nedaye.

Biryar 26'ê vê mehê hatiye dayîn û ev gav berî gava girtina bankeyê ye. Li gor nûçeyê ev biryar hatine girtin:

1-  Ji bo Bankeya Zîaatê biryara qedexeya "dayîna krediyê di asta bilind de" dan. Êdî ji Tirkiyeyê bi îpotekê dê bi mîlyonan euroyî kredî neyê dayîn.

2- Êdî banke nikare di asta bilind de mevdûatê bigire, li ser piyaseyê faîzê bide.

3- Saziyê rêveberiya bankeyê hişyar kir û di demên cuda de ji Tirkiyeyê 4 kesên ji bo midûriya bankeyê hatin şandin lê saziya alman ew red kirin.

4- BaFinê biryar da ku di karên bankevaniyê de banke divê hê zêdetir sermayeya xwe bikar bîne û ji bo karên îdarî jî ewlehiyê madî daxwaz kir.

5- Her wiha cezayeke giran a pereyan li bankeyê birî.

Zîraat Bank International AG li Almanyayê xwedî 250 mîlyon euro zêdetir sermayeyê ye û 114 kes têde dixebitin. Li Berlin, Duisburg, Frankfurt, Hambur, Hannover, Koln û Munihê şaxên bankeyê hene.

**
Bankeya Ziraatê daxuyaniyeke belav kir û got ku nûçe derew in, tu ceza nebirîne û pêvajoya lêkolînê didome, (Ev agahî 02.09.2021'ê hat belavkirin û me jî wê çaxê lê zêde kir)