Diyarname

Herhal tiştek xweş e ku li welatek hejmara mebûsên jin ji yên mêr zêdetir bibe. Li Îzlanyayê ev yek çêbû.

JI 63'YAN 33 MEBÛSÊN JIN

Li Îzlandayê roja 25'ê mehê hilbijartin çêbû û 26'ê mehê encam derketin holê. Li Parlemena Îzlandayê 63 mebûs hene û di vê hilbijartinê de 33 mebûsên jin hatin hilbijartin. Bi vê encamê li Ewropayê bû yekemîn partî ku hejmara mebûsên jin ji yên mêr zêdetir e. Berî vê 24 mebûsên jin li meclisê hebûn.

KOALÎSYONÊ HÊZA XWE XURTIR KIR

Li gor encamê koalîsyona heyî hejmara 5 mebûsên xwe zêde kirin û pişta xwe xurtir kir. Li Îzlandayê koalîsyoneke ji 3 partiyan pêktê heye ku di nav de du partiyên rastgir û şirîkek din jî Tevgera Keskan e. Partiya mezin a koalîsyonê Partiya Serxwebê xwedî 16 mebûsan e ku yekemîniya xwe domand.

Tevgera Keskan hilbijartina (2017) berî vê de 11 mebûsên wê hebûn, 3 winda kirin û hejmara mebûsên wê daket 8'an.

EWÊ KOALÎSYONÊ MUZAKERE BIKIN

Serokwezîr û Rêbera Tevgera Keskan Katrin Jakobsdottir berî hilbijartinê gotibû ku ger ligel endamên koalîsyonê ji hilbijartinê serketî derên dê koalîsyonêdîsa muzakere bikin.

MEBÛSA HERÎ CIWAN KURD E

Jineke kurd bi navê Lenya Rûn Teha Kerîm ji herêma Bakurê Reykyavik ji bo mebûsiyê hat hilbijartin. Kerîm ku hê 21 salî ye wekî jina herî ciwan a Parlemena Îzlandayê derket pêş.

Kerîm, di sala 1999'an de li bajarê Kopavogurê wekî keça malbateke kurd hatiye dinê. Bavê wê sala 1993'yan, diya wê sala 1996'an de koçî Îzlandayê kiriye û ew li wir hatiye dinê. Lenya Rûn Teha Kerîm li Zanîngeha Hiqûqê hê jî xwendekar e.

Fotoyê manşeta nûçeyê: Serokwezîra niha û seroka Tevgera Keskan Katrin Jakobsdottir dema diçû deng dida.
Fotoyê diduyan: Afîşê Lenya Rûn Teha Kerîm di dema hilbijartinê de.