Diyarname

"Telebe" navê pirtûka çîrokan a Delîl Payîz e. Di pirtûka ku ji Weşanxaneya Aryen derketiye de 9 çîrok hene.

Delîl Payîz ev 13 sal in girtiye û li girtîgehê xebata xwe ya kurdî didomîne. Niha ew bi pirtûka xwe ya yekemîn, bi pirtûka çîrokan li pêşberî xwendevanên kurd e. Pirtûka bi navê "Telebe" çîrokên balkêş pêşkêş dike. "Kevir", "Hecî Mozo", "Telebe", "Evîneke Porspî", "Dorevanê Agir", "Lêgerîn", "Bêvankes", "Aram" û "Diya Min" çîrokên ku di pirtûkê de cih girtine ne. Di çîrokan de zarokatiya wî, jiyana nifşê wî, têkoşîn heye. Nivîskar di "Lêgerîn"ê de çîroka mirovên li her derê ketine li dû lêgerînê, li tiştan digerin bi zimanekî herikbar pêşkêş kiriye. Di "Kevir"ê xwendevanan dibe nava meşekê. Bi vî awayî çîrokên ji nav jiyanê bi zimanekî herîkbar pêşkêş dike.

DELÎL PAYÎZ KÎ YE?

Nivîskar Delîl Payîz di sala 1979'an de li gundê Barman ê Mêrdînê hatiye dinê. Di sala 1999'an de hatiye girtin û ji wê rojê de girtiye. Ew niha li Girtîgeha Bucayê (Îzmîr) ye.

 Delîl Payîz di sala 2009'an de di Pêşbaziya Helbest û Çîrokan a Huseyîn Çelebî de bi çîroka xwe bûye yekemîn. "Telebe" pirtûka wî ya yekemîn e.

- Telebe / Delîl Payîz / Weşanên Aryen / 110 rûpel / 2021