DiyarName.Com

Kurtefîlmên Festîvala Fîlmên Kurt û Kurmancî hatin neqandin

1'emîn Festîvala Fîlmên Kurt û Kurmancî ber bi dawî ve diçe. Vê mehê kurtefîlmên hatine şandin dê derkevin pêşberî juriy

Diyarname

1'emîn Festîvala Fîlmên Kurt û Kurmancî ber bi dawî ve diçe. Vê mehê kurtefîlmên hatine şandin dê derkevin pêşberî juriya gel.

Malpera sinemayakurdî.net û Tor Filmê par festîval da dest pê kirin û ji bo balê bikişîne ser ziman mijara bingehîn "Zimanê Kurdî" diyar kiribû. Deriyên festîvalê ji bo fîlmên herî zêde 1 deqe ne û bi kurdî ne vekirî bû. Li gor bernameyê ji fîlmên hatine dê yekemîn, duyemîn û sêyemîn bêne xelat kirin. Di dawiya salê de maweya festîvalê temam bû û niha jî ber bi encamê ve diçe. Li gor agahiyan yek ji berpirsên festîvalê Ferat Kevir da, bi temamî 47 fîlmên yek deqîqeyî hatine şandin û wan ji nav 16 kurtefîlm neqandine. Ev 16 kurtefîlm roja 10'ê vê mehê li ser malpera “sinemayakurdi.net” dê belav bikin û bidin dengdanê.. Temaşevan dê belaş li wan temaşe bikin û deng bidin. Kurtefîlmên bi ser bikevin dê bêne xelatkirin.

Ferat Kevir dibêje "Dewletên serdest nehiştine kurdî bikeve bibistan û zanîngehan" û wisa didomîne, "Li kolanan jî bikaranîna zimanê kurdî qedexe bû. Kurdî kirine zimanê malê. Di van salên dawî de jî bi kreş, tv û medya civakî dixwazin bi bişaftina zexmtir kurdî ji malan jî derxin. Bi hezaran mînak hene. Zimanekî di dewrên qedîm de wekî zimanê kurdî êş nekişandiye. Hebin jî ez nizanim. Me xwest em van serpêhatiyan bikin dîmen û belav bikin.”

Li gor gotina Ferat Kevir di sala 2022'yan de jî dê festîval li dar bikeve û niha de hin sponsor dîtine.

Fîlmên Festîvala Yekemîn di navbera 10'ê rêbendanê heta 10'ê reşemiyê bêne nîşandayîn û dê temaşevan deng bidin. 3 fîlmên bi ser bikevin her yek bi 500 Euroyî dê bêne xelatkirin.

Fîlmên ku hatine neqandin ev in:

Filmên ji bo festîvalê hatine neqandin ev in:

- Hişê Zarok / Firat Yavuz

- Reşê / Felat Diljîn

- Sms / Zanyar Mihemmedînko

- Xwekuştin /Huseyîn Denlî

- Vegera Giyan / Bêrîvan Karatorak

- (Ne) Li Welat / Adar Taş

- Zar / Delîl Remedan

- Zanîngeha Rojava / Ridvan Diharo

- Dema Niha / Ali Cikkan

- Kîme Ez / Yildirim Aslan