Diyarname

“Avrasya Araştirma”yê anketeke nû çêkir. Xwediyê kompaniyê Kemal Ozkîraz bi ser twittira xwe re encama anketê belav kir. Di anketê de CHP bûye yekemîn, AKP duyemîn û HDP bûye sêyemîn. Heta niha yekem car e anketek encameke wisa belav dike.

Avrasya Araştirmayê  di navbera rojên 24-31’ê rêbendana 2022’yan de li 26 bajaran bi telefonê ligel 1860 kesî anket çêkiriye. Pirsa vê şemiyê hilbijartin çêbe hûnê dengê xwe bidin kî jî kiriye.

Di anketê de sedî 11.5 yê bê biryar darketine. Bêyî ev bêne belavkirin di encamê de CHP bi sedî 25,1 bûye yekemîn, AKP bi sedî 23.3 bûye duyemîn û HDP bi sedî 11.4 bûye sêyemîn. Piştî yên bê biryar hatine belavkirin  encam wisa derketiye:

CHP, Sedî 28,4

AKP, Sedî 26,3

HDP, Sedî 12,9

Îyî Partî, Sedî 12,4

MHP, Sedî 6,0

Deva, Sedî 5.9

Gelecek, Sedî 1.8

Saadet, Sedî 1,7

Memleket, Sedî 1,1

Demokrat Partî, Sedî 1

TÎP, Sedî 0,9

BTP, Sedî 0,8

Yên din, Sedî 0,8

Ji bo berendamên hemberî Recep Tayyip Erdogan jî pirs hatiye kirin. Di vê pirsê de Ekrem Îmamoglu derketiye pêş. Îmamoglu bi sedî 48,6 derketiye pêş. Erdogan di sedî 31.1 de maye û sedî 12.2 bêbiryar in. Yên ku gotine ez bê biryar im û bi îhtîmaleke mezin ezê deng bidim Erdogan jî sedî 5.6 derketine. Ji dêvla Îmamoglu, Mansur Yavaş û Kemal Kiliçdaroglu jî hatine pirsîn. Yavaş bi sedî 46.4, Kiliçdaroglu bi sedî 45,3 derketiye pêş.

Li ser pirsa bi ya we pirsgirêka herî mezin a Tirkiyeyê çi ye jî sedî 61.3 gotine aborî, sedî 16.1 gotine demokrasî, sedî 6,7 qala perwerdehî, tenduristî û ewlehî kiriye. Sedî 4 jî gotine pirsgirêka kurd.