Diyarname

Fransa de kînga weçînayîş virazêno, verendamî kam ê, siûdê kamî esto ke go bi ser biko? Ma agahî day pêser.

Kerem bikerê:

- Fransa de weçînayişê qeybî serokomarî 10’ê ene aşme de wo. Weçînayiş saete 8’ê sibay de dest pa kena hu 19.00 de qedêna.

- Serokomarê enkay Emmanuel Macron zî miyan de, bi temamî 12 verendamî estê.

- Nifûsey Fransa 67 mîlyonî ya û 48.7 mîlyon tenê rey xwui bidê estê. 1.4 mîlyon tenî zî teberê Fransa de go rey bidê.

- Serê weçînayîşî de agahê fermî 13’ê aşme de kenê vila.

- Qeybî yew bibo serokomar gere ene dewre de sera 50 zêdeyêrî reyan bigîro. Ge yew nêreso sera 50 rey diyinan weçînayiş virazêno û di verendamê tewr zeh rey girotê kunê enî weçînayişî. Eno weçînayişo diyin zî 24 aşme de wo.

- Goey anketan ra Macron go sera 26 reyan bigîro. Verendama serê wikrê neteweperestiya radîkal e Le Pen go sera 22 reyan bigîro. Anketî qeybî Melenchon xalê seda 17 û qeybî verendam Pecresse û Zemmour qalê sera 9 kenên.

- Di weçînayişê serey 2017’inan de Macron û Le Pen derbasî dewrey diyinan bîbî, di ene dewre de Macronî bi sera 66.1 vengî girotîbî û hamebî weçînayişî. La anketî enka vanê ke reyna weçînayişo diyin bibo rey macronî sera 53 eysenê û rey Le Pene sera 47 eysenê, la Le Pen e her ke şina reya kena zêde. Loma anketî vanê ke belkî nawey Le Pen e bi ser biko.