Diyarname
Di lîga mezin a Îngilistanê Premier Lîgê de îro maçên hefteya dawî têne lîstin û du tîm li ber deriyê şampiyoniyê ne. Maça herduyan jî saet 18.00’an de tê lîstin. Dilê Îngilistanê wê saetê ji bo şampiyoniyê dê lê bide.
Di Premier Lîga Îngilistanê de 20 tîm hene. Wan maçên xwe lîstin û hatin kêliya dawî. Îro hefteya 38’an yanê hewteya dawî li dar dikeve.
Şampiyonê par Manchester City di lîgê de bi 90 pûanan di rêza yekemîn de ye. Hema li dû Liverpool bi 89 pûanan wê ditirsîne. Şampiyon dê îro diyar bibe. Ger Manchester City bi ser bikeve bêyî li encama maça Liverpool binêre dê bibe şampiyon. Lê ger wekhev bimîne, yan jî têk here vê carê encama maça din dê bibe diyarker.
Manchester Citiy li mala xwe Aston Villayê dike mêvan. Liverpool jî li mala xwe Wolverhamptonê dike mêvan.
Ji Premier Lîgê 4 tîm diçin Lîga Şampiyonan a Ewropayê. Piştî MC û Liverpoolê Chelsea bi 71 pûanan, Tottenham bi 68 pûanan di rêzê de ye. Û Arsenal di rêza 5’an de xwedî 66 pûnan de. Chelsea bilêtê Lîga Şampiyonan xistiye bêrika xwe lê ji bo Tottenhamê qet nebe pûanek lazim e. Ger ew têk here û Arnesal biser bikeve dê cih biguherînin.
Tîmên di rêza 4 û 5’an de diçin Lîga Ewropayê. Piştî Arsenalê Manchester United xwedî 58 pûanan e. Jêre herî hindik pûanek lazim e ji ber ku West Ham United bi 56 pûanan li dû ye. Ger MU têk here û West Ham bi ser bikeve dê cih biguherînin, lê bi vî awayî lîg bi dawî bibe MU dê here Lîga Ewropayê, West Ham jî dê berê xwe bide ser rêya Lîga Konferansê.
Ji bo van maçan jî rewş ev e:
Crystal Palaca - Manchester United
Arsenal - Everton
Norwich City , Tottenham
Brighton - West Ham United
Di lîgê de Nowich City û Watford ji lîgê ketine. Û îro wekî tîmê sêyemîn ku dê bikeve dê diyar bibe Leeds United di rêza 18’an de xwekî 35, Burnley di rêza 17’an de xwedî 35 pûanan e lê avarajê wê baştir e. Ji van her du tîman, tîmek wekî tîmê sêyem dê ji lîgê bikevin. Burnley li mala xwe dilîze hu Newcastle Unitedî dike mêvan. Leeds United jî diçe Brentfordê.
Di Premier Lîgê de hemû maç îro li gor saeta Amedê saet 18.00’an têne lîstin.