Diyarname

Lîstika Şanoya Bajêr a Amedê "Tartuffe" piştî Edeneyê li Mêrsînê jî hat qedexekirin. Li Edene û Mêrsînê turne hatibû organîzekirin lê li her du bajaran jî biryara qedexeyê hat.

Şanoya Bajêr a Amedê îro daxuyaniyeke nivîskî li ser hesaba xwe ya tora civakî belav kir û diyar kir ku îro li Mêrsînê jî lîstika wan hatiye qedexekirin.

Lîstika "Tartuffe" pêşî li Edeneyê 4’ê mehê hatibû qedexekirin, Walîtiya Mêrsînê jî bi heman sedemê lîstik qedexe kiriye.

Li gor tûrneya ku hatibû organîzekirin Tartuffe 5'ê mehê li Edeneyê, 6'ê mehê li Mêrsînê dê bihata lîstin. 

Lîstika “Tartuffe” ji teksta Moliere hatiye girtin. Moliere ev lîstika xwe di sala 1664’an de nivîsandiye û ji wê rojê heta niha bi gelek zimanan hatiye belavkirin, bi gelek zimanan derxistine ser dikê. Şanoya Bajêr a Amedê yekem car di sala 2018’an de ev lîstik derxistibû ser dikê.

Lîstika ku Şêxmus Sefer wergerandiye, derhêneriya wê Ruknettîn Gun kiriye. Di lîstika yek perdeyî de Yavuz Akkuzu, Ozcan Ateş, Berfîn Emektar, Elvan Koçer, Hamdusena Ozbey, Şahperî Alphan, Şîlan Alagoz, Salih Yildizoz û Ozkar Şeker dilîzin. 

***

Di van rojan de çend çalakiyên hunerî yên hatine qedexekirin:

- Vê carê lîstika bi kurdî li Edeneyê hat qedexekirin 

- 21 saziyên kurdî li hemberî qedexeyê daxuyanî dan 

- Li ser qedexeyên çalakiyên kurdî çend agahiyên nû 

- Qeymexamiya Tetwanê lîstika kurdî qedexe kir 

- Konserên Mem Ararat û Aynur Doganê hatin qedexekirin 

- Vê carê li Bedlîsê konsera bi kurdî hat betalkirin 

- Lîstika bi kurdî “Don Kîxot” jî hat qedexekirin 

- Nawey konserê Kahramanan hame qedexekerdişî 

- Şaredarê AKP'yî konsera hunermend Aynur Dogan betal kir