Diyarname

Dinya diguhere, li gelek welatên dinyayê xebata bikaranîna hîdrojenê didome û niha Hollandayê sala ku dê balafirên bi hîdrojenê bifirînin eşkere kir.

Agahiya nû ji Hollandayê hat. Konsorsiyûma li Hollandayê got ku di sala 2028’an de balafirên wan dê bi hîdrojenê bifirin. Bi vê yekê dikin ku di karê birin û anînê ya hewayî de ev rêbaz bê bikaranîn û xwe bigihînin “sifir emîsyon”ê. Di van balafirên hawirporêz de teknolojiya turboprop dê bê bikaranîn. Turboprop ew tişt e ku ji dêvla tenê pişta xwe bidin hêza dehfdanê ya motorê, perwane têne badan û bi vî awayî kar dike. Li Hollandayê teknolojiya nû ku li vê turbopropê kirine dê bê bikaranîn. Ev teknolojî pêşî dê ji bo balafirên ku hindik rêwiyan hildigirin bê bikaranîn, paşê dê di balafirên mezin de bê bikaranîn.

Ajansa pêşxistina aboriyê ya Hollandayê ji kompaniyên InnovationQuarter û Unifed International pêk tê. Di nav vê konsorsiyomê de çêkerê balafiran ên hollandî Zanîngeha Fokker û Zanîngeha Teklonojî ya Delftê jî hene. 

Ji konsorsiyomê Michel van Ierlandê gotiye ku ew dikin ku bi vê bikevin nava piyaseya bi 16 mîlyan Euroyî.

Di heman demê de diyar kiriye ku lîkît hîdrojen di tangên giran de tê depokirin, ji ber vê yekê divê balafir ji nû ve bêne dîzaynkirin. Gotiye ku ardûya konvansiyonel di baskên balafiran de tê embarkirin, lê ew plan dikin ku kapsula hîdrojenê di dûvika balafirê de bi cih bikin.

Li aliyê din Van Ierlandî wisa gotiye, “Ev balafir niha ji bo rêya kurt dê bêne bikaranîn. Ya muhîm divê mirov rêya hewayî bîne asta hawirparêzî. Ev balafir li gor yên din dê hê hêdîtir bifirin.”

Li gor agahiya ku daye balafirên bi hîdrojen dê saetê de 370 mîlî li dû xwe bihêlin, lê balafirên Boeing 747 saethe de 530 mîl li dû xwe dihêlin.

(Foto: Xwendekarên Zanîngeha Delftê di sala 2019’an de ev fotoyê balafirê bi hîdrojen belav kir.)