DIHOK
Konferansa Çapemeniya Kurd ku duh dest pê kiribû îro jî dom kir. Gerînendeye Giştî yê Weşanê yê rojnameya Azadiya Welat Emîn Yildim, da zanîn ku ji bo netewe tune bikin berê êrîşê ziman dikin û ziman tune dikin.

Di panela bi sernavê "Medya û netewebûn" de qunciknivîskarê Diyarnameyê Şengûl Ogur û Mihemmed Gelturan, di panela bi mijara "Rola çapemeniyê ya di pêşxistina ziman de" jî Xecê Yaman û Mehemed Emîn Yildirim axvîn.

Şengûl Ogur da zanîn ku divê ragihandinên dema kijan neteweyî be li gor peşxistina netewî tev bigere û roleke demokratîzekirin û yek girtine bilîze.
Mihamed Geltura jî diyar kir ku netewebûn giredayî afirandina hest û fikra yekîtiye ye û got;"Ji bo wê jî rola herî giring dikeve ser mile ragihandinê."

Xecê Yaman jî got ku pêwîst e hemû ragihandinên kurd zimanê kurdî bikar bînin û kurdî pêş bixin.

Gerînendeyê Rojnameya Azadiya Welat Mehmet Emîn Yildirim jî da zanîn ku ziman hebûn û tûnebûna netewan e û got, "Tu bixwazî neteweyekî tune bikî pêşî zimanê wê tune bike. Ji ber ku ziman hebûn û tunebûna neteweyan e. Pewîst e ragihandina kurd jî bi wê hestiyariyê pêş bikeve û tev bigere."
Yildirim hêviya xwe ya li ser konferansê da zanîn ku hêvî dike ku konferans pêşiya Konferansa Neteweya Kurdistan veke.

Di rûniştîna duyemîn de ku bi mijarên "Medya û Exlaq" rojnameger Gunay Aksoy û Maşallah Dekak, di mijara "Wêne û etîk medyaya elektîronîk" de Kameran Necim di mijara "Medya û rewiştên karê pêşeyî" de jî îsmaîl Tahir Cangîr pêşkêşwanî kir.

Piştî ku panel bi dawî bû beşdarwanên konferansê çûn serdana pêşangeha wêneyan ya Hola Panorama Azadî.

***

Nûçeya eleqedar:

- Konferansa Rojnamegerên Kurd dest pê kir