Diyarname

12'emîn Festîvala Fîlman a Sûc û Cezayê îsal di navbera 18-24'ê sermawezê de li dar dikeve. Niha endamên juriyên festîvalê hatin eşkere kirin.

Di beşên Mêzîna Zêrîn de di warên Fîlmên Metrajdirê, Kurtefîlm û Belgefîlman de xelat bêne dayîn. Niha endamên juriyên van beşan hatin eşkere kirin.

FÎLMÊN METRAJDIRÊJ

Di beşa Fîlmên Metrajdirêj a Xelata Mêzîna Zêrîn de ji Macaristanê nivîskar, derhêner, sazkarê fîlman Benedek Fliegauf serokatiya juriyê bike. Endamên juriyê jî ji Tirkiyeyê lîstikvan û pêşkêşvan Ceyda Duvenci, sazkara fîlman Moge Ozen, ji Fransayê rojnameger û rexnegirê sînemayê Franck Finance Madureira, ji Almanyayê lîstikvan Irina Wanka di nav juriyê de cih digirin. Benedek Fliegauf dê serokatiya juriyê bike.

KURTEFÎLM

Di beşa Pêşbaziya Kurtefîlman a Xelata Mêzîna Zêrîn de serokatiya juriyê derhêner û sazkara fîlman Maxihe Williamson dike. Dîsa derhêner Gozde Kural û senarîst û derhêner Ali Ercivan jî endamên juriyê ne.

BELGEFÎLM

Di beşa kurtebelgefîlman de jî serokatiya juriyê nivîskar û akademîsyen Profesor Hasan Akbulut dê bike. Nivîskar, derhêner û dîzaynkar Kivilcim Akay û senarîst, nivîskar û derhêner Farhad Eyvazi jî endamên juriyê ne.

Fîlmên festîvalê li Beyogluya li salonên Atlas 1948 û li AKM Yeşîlçamê, li Kadikoy jî li Kadikoy Sinemasi dê bêne nîşandayîn.