Diyarname
Piştî Eutelsalê weşana Roj TV rawestand, niha Roj TV derbasî peykeke nû bû. Roj TV êdî dê ji ser intelsatê ku yek derece ji Rojava weşanê dike weşana xwe bidomîne.

Roj TV li ser peyka Eutelsatê weşan dikir. Çend roj berê Eutelsatê weşana Roj TV da rawestandin û kanal êdî nedikarî ji ser peykê re weşanê bike. Rêveberên kanalê li peykeke din digeriyan ku weşanê bike. Niha êdî dê televîzyon li ser peykaz Intelsat 10-02 re weşanê bike. Kanalê niha dest bi weşana xwe kir û frekansên wê jî ev in:

11092H
Symbol rate 15551

Intelsat li Balkan, Rojhilata Navîn û Tirkiyeyê weşanê dike lê li Ewropayê weşanê nake. Televîzyon ji bo temaşevanên xwe yên li Ewropayê jî di lêgerîna peykeke din de ye.

Li aliyê din Roj TV der barê Eutelsatê de doza betalkirina biryarê vekir û danişîn dê 2'yê reşemî li dar bikeve. Ger di lehê televîzyonê de biryarek bê girtin dê televîzyon bi ser Eutelsatê re jî weşanê bidomîne.

Yên bixwazin Roj TV temaşe bikin ger peyka wan Nilsat be divê berê peykê 6 dereve ber bi rojhilat ve, ger li ser Eurobirdê be divê 10 derece ber bi rojava ve badin.