Diyarname

Vê hefteyê tenê çar fîlm di vîzyonê de ne. Yek jê anîmasyon e. Yek tenê ji Tirkiyeyê ye. Ji nav van vê hefteyê ‘I Wanna Danse With Somebodey: Whitney Houston’ derdikeve pêş.

Whitney Houston stranbêjek bû. Di 9’ê gelawêja 1963’yan de li Newark a New Jerseya DYA’yhe hatiye hatiye dinê û di 11’ê reşemiya 2012’yan de li Beverly Hills a Kalîforniyayê miriye. 

Houston 6 Xelatên Grammy jî di nav de gelke xelat girtibûn. Heta sala 2006’an tam bi temamî 411 xelat girtibûn ku bi vê yekê li dinyayê “stranbêja herî zêde xelat girtine” bû. Bi dengê xwe, bi helwesta xwe li dinyayê navdar bû. Ji muzîkê, stranan, dansê hez dikir. Di hevpeyvîneke de wisa dibêje, “Muzîk ji bo min ne rengek e, sînorên wê nîn in, ez kîjan stranê bixwazim ezê wê bistrêm. Çawa bixwazim bi vî awayî. Ez dixwazim xwe bigihînim girseyeke mezin.” Bi rastî jî xwe digihîne girseyeke mezin. 

Houston reşik bû, bi nav û deng bû, di heman demê de têkoşer bû. Dema Nelson Mandela hat ser kar di sala 1994’an de çû Afrîkaya Başûr ku ev yekemîn stêrka mezin bû ku diçû Afrîkaya Başûr. Lê di heman demê de tilyak dikişand û pêve hatibû girêdan. Niha ew ji gelek aliyan ve bûye mijara fîlmekî.

Fîlmê bi navê “I Wanna Danse With Somebodey: Whitney Houston” ji aliyê derhêner Kasi Lemmons ve hatiye kişandin. Naomi Ackie, Stanley Tucci, Ashton Sanders û Tamara Tunie têde dilîzin. Fîlmî navê xwe ji singlekî Houston ê bi heman navî girtiye. Fîlm temaşevanan dibe nava jiyana îkona muzîkê Houston, kariyeta wê, muzîka wê û enerjiya wê derdixe ser perdeya sipî.

Va ne hemû fîlmên vê hefteyê:

- R.M.N. / Derhêner Cristian Mungiu

- Whitney Houston: I Wanna Dance With Somebody / Derhêner Kasi Lemmons

- Xiong Chu Mo: Chong Fan di Qiu / Derhêner Huida Lin / Anîmasyon

- Maric / Derhêner Erbu Delibaş

Fragmanê fîlmî: