22.00

Hejmar derket 17 hezar û 406'an

Wezîrê Tenduristiyê yê Tirkiyeyê Fahrettin Koca hejmara nû ya erdhejê eşkere kir. Li gor Koca heta niha 17 hezar û 406 mirine. 71 hezar û 866 jî birîndar hene. 
20.00

Dibistanên Şêxmeqsûd û Eşrefiye zirar dîtine

Komîteya Perwerdeya Civaka Demokratîk (KPC-D) destnîşan kirin ku 13 dibistan û avahiyên perwerdeyê yên Taxên Şêxmeqsûd û Eşrefiyeyê di encama erdhejê de zirar dîtine.

Dibistana herî zêde zirar dîtiye, dibistana Şehîd Cûdî Amanos, Navenda Dibistanên Mîxaîl Neme, Baxçeya Zarokan a Şehîd Jiyan a taxa Eşrefiye û dibistana Helîme El Sediye ya rojhilatê taxa Şêxmeqsûd e.

18.00

Demirtaşî bang kir

Hevserokê berê yê HDP'ê Selahattin Demirtaşî bi ser hesabê xwe yê twitterê re

 bang kir û got ku divê niha bi kordînasyoneke lezgîn û bi bandor mirov xwe bigihîne xaniyên hilweşiyayî û erdhejzadeyan."

Demîrtaşî got ku ji kerema xwe re lez bikin, hesabpirsîna ji rayedaran paşê emê bipirsin.

17.30

ERDHEJ: Li ser dibistan û zanîngehan biryarên nû

Wezîrê Perwerdehiyê yê Tirkiyeyê Mahmut Ozer ragihand ku vekirina dibistanan hefteyeke din taloq kirine û li gor biryara nû dê 20'ê mehê dibistan vebin. 

Berî niha heta 13'yê mehê dibistan hatibûn taloqkirin,niha ev biryar bi paş ve dan û dê 20'ê mehê roja duşemê dibistan vebin.

Li aliyê din ji bo zanîngehan jî biryareke nû hat girtin. Li gor biryarê destpêkirina dersên li zanîngehan heta biryareke din bê dem hatiye betal kirin. Ev biryar ji bo hemû zanîngehên li Tirkiyeyê derbas dibe.

17.00
Encamên nû: 16.170

Hejmara kesên canê xwe ji dest dane her diçe zêdetir dibe. Saet bi saet hejmar gelek zêde dibe. Li gor agahiyên vê saetê hejmara kesên mirine derket 16 hezar û 170 kesî. 64 hezar û 194 kes birîndar in. Avahiyên xira bûne jî wekî 6 hezar û 444 heb diyar kirine.

16.50

Mebûsên HDP'ê meaşên xwe diyarî mexdûran kirin

Mebûsên HDP'ê ji bo mexdûrên erdhejê fonek ava kirin. Di vê çarçoveyê de jî hemû mebûsên HDP'ê meaşên xwe diyarî vê fonê kirin. Di daxuyaniya hatine belavkirin de hat gotin ku "emê birînên xwe bi hev re bikewînin."

Li aliyê din hat gotin ku mebûsên CHP û Îyî Partî jî meaşên xwe şandine ji bo mexdûrên erdhejê.
15.00

Ji rêberên YE'yê peyam

Li Brukselê îro Hevdîtina Rêveberên YE'yê (Yekîtiya Ewropayê) hebû. Hevdîtin bi deqeyek rawestandina bîranîna kesên di erdheja Mereşê de canê xwe ji dest dane dest pêkir. Paşê rêberên YE'yê nameyeke ji bo Tirkiyeyê şand û sersaxî xwest. Di nameyê de wisa hat gotin, "Ye û welatên endam li ser vê trajediyê piştgiriya gelên li Tirkiye û Sûriyeyê dike."

13.30

Maseyê Kordînasyonê

HDP'ê Maseya Kordînasyona Qeyranê saz kiriBû. Ragihand ku heta niha 30 hezar kesî serî li wan daye. Piraniya kesên serî lê dane yan xwestine xwe bigihînin xizmên xwe yên di bin xaniyên hilweşiyayî de mane, yan jî mexdûrên ku dixwastin xwe bigihînin malbatên xwe. Ligel van gelek mexdûrên erdhejê jî ji bo alîkariyê serî li HDP'ê dane. Hemû navçe û rêxistinên HDP'ê li ser erdhejê dixebitin, alîkariyan didin hev û dişînin.

Platforma Amedê

Li Amedê Platforma Parastin û Piştgiriya Bajêr ku di nav de 82 saziyên sivîl hene bi hev re li dor maseya qeyranê ku çêkirine dixebitin. Yek ji saziyên di nav vê platformê de DTSO ye. Serokê DTSO'yê (Odeya Bazirganî û Sanayî ya Amedê) Mehmet Kaya gotiye li bajêr gelek avahî ji erdhejê xisar dîtine û wan dest bi diyarkirina van avahiyan kiriye.

Kaya wisa gotiye, "Saziyên sivîl, gel û hemû saziyan bi hev re dest bi kar kirine. Li Amedê dibistanên taybet, dibistanên dewletê, salonên dawetê, şînxane, mizgeftan ji bo mexdûran derî vekirine û 3 dan xwarin bi piştgiriya xwebexşan tê belavkirin."
TIR'ên alîkariyê

TIR'ên ji Şirnex, Sêrt û Batmanê ji HDP'yan hatibûn şandin gihîştin Entab, Nûrdagi û Îslahiyeyê.

Li aliyê din hat gotin ku Rêxistina HDP'ê ya Mêrdînê TIR'a ku amûrên pêdiviyên lezgîn têde şandibû Meletî, Lê li cihê ketina Wêranşara Meletî polîsan dest danî ser TIR'ê û nehişt bikeve nava bajêr. Polîsan gotiye ku ji bilî AFAD'ê em destûrê nadin alîkariya bê kirin.

13,20

Li Sûrî 3 hezar û 162 kes mirine

Li ser Sûriyeyê agahiyên li ser erdhejê hatin belavkirin. Li gor agahiyên ku hatine heta niha li Sûriyeyê 3 hezar û 162 kes mirine.Hejmara birîndaran jî 5 hezar û 235 kes e. Rewşa giran li bajarên Îdlîb, Heleb, Hama, Lazkiye û Tartûsê û li bajarê Efrînê xwe nîşan dide.

13.00

Encama nû:  14 hezar û 14 mirine

Serokomarê Tirkiyeyê û Serokê Ak Partî Recep Tayyip Erdogan li Entabê axivî û agahiyên nû dan. Li gor van agahiyan hejmara kesên mirine derket 14 hezar û 14 kesî. Hejmara birîndaran derket 63 hezar û 794 kesî. 

10.00
Encama nû: 12 hezar û 873 kes mirine 

Encamên giran ên erdhejê her diçe girantir dibe. Li Mereş, Kîlîs, Amed, Edene, Entab, Riha, Semsûr, Meletî, Osmaniye û Hatayê ancama erdhejê her ku diçe girantir dibe. Li gor agahiyên nû heta niha 12 hezar û 873 kes mirine. Hejmara kesên birîndar derketiye 62 hezar û 937 kesî. Tê gotin ku 64 hezar û 444 avahî hilweşiyane.

Mebûsên HDP'ê li herêmê ne

Heyetên HDP'ê ku ji mebûsên wan pêk tên li herêmê ne û xebatên xwe didomînin. 

1. Hatay: Tulay Hatimoğullari Oruç, Serpil Kemalbay, Huseyin Kaçmaz, Huda Kaya, Oya Ersoy, Kemal Pekoz, Zuleyha Gulum

2. Mereş: Ebru Gunay, Mehmet Tiryaki, Ali Kenanoglu, Nusrettin Maçin, Zeynel Ozen, Murat Sarisaç, Dilan Dirayet Taşdemir, Sezai Temelli 

3. Meletî: Meral Daniş Beştaş, Necdet İpekyuz, Hasan Ozguneş, Murat Çepni, Garo Paylan, İmam Taşçier, Gulistan Kiliç Koçyiğit

4. Semsûr: Kemal Bulbul, Şevin Coşkun, Abdullah Koç, Erol Katircioglu, Sait Dede

5. Entab: Ayşe Acar Başaran, Mahmut Togrul, Nuran İmir, Muazzez Orhan

Hemû rêxistinên bajêr û navçeyên HDP'ê xebata berhevkarina alîkariyê didomînin. Yên bixwazin dikarin xwe bigihînin wan.