Diyarname

Li ser daxwaza Midûriyeta Giştî ya Emniyetê, îro 4'emîn Dadgeha Cezaya Sulhê ya Enqereyê biryara astengkirina hin malperên kurdan da. Di nav wan de malpera Weşanxaneya Avastayê (avestakitap.com), malpera Rûdawê û malpera Botan Times heye. Li aliyê din twittera Xwebûnê, MA Kurdî, Rojnewsê û Jinhayê jî têde ji bo 340 hesab biryara astengkirinê hatiye dayîn.

Free Web Turkey bi ser hesabê xwe yê twitterê agahiya astengkirina van malperan belav kir.

Free Web Turkey ev agahî wisa belav kir, "(Avestakitap.com) bi îdîaya 'Propagandaya PKK/KCK'ê kiriye', 'Koma çapemeniya kurd Rûdawê ku navenda wê Hewlêr e', 'Botantimes bi sedema ligel RSF Internationalê  kar dike malpera wê hatiye astengkirin. Jinha ku li ser nûçegîhaniya jin weşanê dike twittera wê li Tirkiyeyê hatiye asteng kirin."

Li aliyê din gelek malperên din jî hatine astengkirin. Yek ji wan "Ekşî Sozluk" e. Ekşî Sozlukê daxuyanî belav kiriye ku gotine malpera wan hatiye astengkirin lê hê biryar negihîştiye ber destên wan ku ka çima hatiye asteng kirin.

Weşanên Avestayê bi ser hesabê xwe yê tora civakî re agahiya qedexeyê belav kir û got, "Bi îdîaya 'Propagandaya PKK/KCK'ê' malpera me hatiye asteng kirin. avestakitap.com ji bilî nasandin û firotina pirtûkên xwe tu parvekirinî nake. Ligel qedexekirina pirtûkan ev sansureke fiîlî ye, nayê qebûlkirin."
Di nav malperên hatine astengkirin ede  din malpera kovara www.demokratikmodernite.org jî heye. Di nav twitterên hatine astengkirin de twittera televîzyona Medya Haberê û twittera ajansa Rojnewsê jî heye.