Diyarname

Çend aliyên meseleyê hene, em yeko yeko bêjin:

1- Marketên mezin wekî BÎM (Ku niha mijara me ye) li kîjan bajarî şax vekin jî fêdeya wê ji bo wî bajarî çênebe; ji bilî çend kesên ku têde bixebitin. Ew marketên li wî bajarî pere kar dikin, lê ji ber ku navenda wan ne li wir in, li metropolek mezin e, hemû bac ji bo wî metropolî diçe. Li aliyê din, ev marketên mezin li van bajarên biçûk pişta marketên din ên herêmî dişkînin.

2- Ev marketên mezin wisa li ser fikrek in, ji bo karê xwe her tiştî dikin. Niha yek ji wan BÎM, şaxek xwe li Dêrsimê kir. Wisa nav lê kiriye, "Seyit Riza / Tunceli Şube". BİM yek ji marketên aîdê oldaran e. Xwediyê wê Cuneyt Zapsu ye ku yekî nêzî Serokomarê Tirkiyeyê û Serokê AKP'ê R.Tayyîp Erdogan e. Di vir de pirsa, çi mafê wan heye ku navê Seyid Riza bikar tînin? 

3- Ji bo navek di bazirganî de bê bikaranîn divê ji xwediyê/n wî navî destûr bê girtin. Û her ku Seyîd Riza ye divê nebe meseleya bazirganî. Li ser vê yekê parêzer Cihan Soylemez gotiye ku bêyî destûra malbatê kes nikare navê Seyid Riza di saziyeke bazirganî de bikar bîne û bang li Odeya Sanayî û Bazirganî ya Bajêr û Odeya Senatkar û Esnafên Bajêr kiriye ku li ser meseleyê bisekinin.

BIM'ê roja 28'ê mehê li Dêrsimê şaxa xwe vekir û navê şaxê wekî "Seyid Riza / Tunceli" bi nav kiribû.