Stenbol
Platforma Abantê di çarçoveya "Çarçoveya Zagona Bingehîn a Nû" de dawiya vê hefteyê civîn li dar xist û di encamnameyê de got: Bila bi zimanên cuda perwerdehî bê dayîn.

Platforma Abantê saziyeke ku di bin banê Weqfa Nivîskar û Rojnamegeran de xebatê dike. Ev sazî ku nêzî Cemaeta Gulen e her sal di bin navê "Civînên Abantê" de il ser mijarên cur bi cur civînan li dar dixe û ji her derdorî kesên xwedî gotin vedixwîne civînê. Di civîna dawiya vê hefteyê ku di bin sernavê "Zarçoveya Zagona Bingehîn a Nû" de hate li dar xistin ji derdorên AKP'ê heta CHP'ê, mebûsê BDP'ê Altan Tan heta nivîskar Umit Firat û Kemal Burkay jî amade bûn.

Civîna ku sê rojan dom kir encamnameya wê hate eşkerekirin. Di encamnameyê de ji bo zimanê zikmakî, hemwelatî û nasname wisa hate gotin:

- Destpêka Zagona Bingehîn
Ji bilî hurmeta li ser rûmeta mirovan û demokrasî, serdestiya hiqûqê, mafên mirovan, di destpêka zagonê de bila vegotineke din nîn be.

- Hemwelatî û nasname
Pêşniyara Yekemîn: Di zagona bingehîn de pêdivî bi anîna ziman a hemwelatîbûna li ser nasnameyan nîn e.
Pêşniyara Duyemîn: Li taxên ku Komara Tirkiyeyê serdest e her kesê tê dinê hemwelatiyê Komara Tirkiyeyê ye. Li taxên ku Komara Tirkiyeyê ne serdest e hemwelatiyên ku ji dê yan bav tê bi zagonê tê vesazkirin.
Pêşniyara Sêyemîn: Her hemwelatiyê Komara Tirkiyeyê ku ji dê yan bav e hemwelatiyê Komara Tirkiyeyê ye.

- Perwerdehiya Zimanê Zikmakî
Pêşniyara Yekemîn: Perwerdehiya bi zimanê zikmakî mafeke bingehîn e. Di zagona bingehîn de li ser perwerdehiya bi zimanê zikmakî divê tu astengî nîn be.
Pêşniyara Duyemîn: Di zagona bingehîn de divê maf ji bo zimanên zikmakî yên cuda bê qebûlkirin.
Pêşniyara Sêyemîn: Bi şertê ku zimanê fermî bê hînkirin û perwerdehî bê dayîn, her kes di perwerdehiyê de xwedî maf e ku perwerdehiya zimanê zikmakî bikar bîne.