Diyarname

Li Teksasê, roketa herî mezin a dîroka cîhanê Starship, ku ji aliyê şîrketa SpaceX ve hatibû amadekirin demeke kin piştî rabûnê ket. Armanc ew bû ku ev fuzeya bê mirov biçe Mars û Hîvê lêkolîn û çavdêriyan bike. 

Ev teqîn ji bo şîrketa mîlyarder Elon Musk wekî têkçûneke mezin were dîtin jî, Musk wisa nafikire û dibêje, “qet nebe me karî moşekê bifirînin.”

Elon Musk wekî karsazê herî dewlemend yê cîhanê xwediyê Twîter û şirketa erebeyên elektrîk Tesla ye jî.

Kompaniya SpaceX heta niha hin roket şandibûn û bi ser ketibû lê di vê de ku ya herî mezin bû têk çû. Şîrketê roketên Falcon 9'ê heta niha gelek caran şandin fezayê.

Kompanî niha dê li ser çima têkçû bisekine û ji bo ceribandinên nû van agahiyan bikar bîne.