Diyarname
Li Fransayê di tûra duyemîn a hilbijartinê de berendamê çepgir François Hollande, Serokomarê niha Nicholas Sarkozy têk bir û bû Serokomarê Fransayê.

Li gor encamên ne fermî Hollande sedî 52 deng girtin û Sarkozy jî di sedî 48 de ma.

Li ser agahiyên ku Hollande bi ser ket li navenda giştî ya Partiya Çepgir ya li Parisê coşeke mezin derket holê. Piştî François Mitterrand ev sê serdem in çepgir bi ser nakevin. Lê vê carê bi ser ketin.

Hollande yê 57 salî bi şêwirmendiya Mitterrand dest bi karê siyasetê kiribû.

Serokomarê nû Hollande di dema hilbijartinê de ji bo hilbijêran gotibû ku ew bê hilbijartin dê polîtîkaya aboriyê ya Yekîtiya Ewropayê ji nû ve binirxîne. Ji ber vê yekê welatên Ewropayê bi meraq li benda encama hilbijartinê bûn.

***

Nûçeya eleqedar:

- Hollande û Sarkozy derbasî tûra diduyan dibin