Diyarname
Pirtûka çîrokan a Cîhan Yildirim bi navê “Fîtnevîzyon” ji Weşanên Pêrî derket. Pirtûka ku ji 80 rûpelî pêk tê, têde 14 çîrok cih digirin.
Cîhan Yildirim ku heta niha yek jê tirkî, 4 pirtûk weşandibû niha yeka din li wan zêde kir.  Yildirim, di sala 1972’yan de li Misircê hatiye dinê; dibistana seretayî û ya navînî li wir xelas kiriye. Di sala 1996’an de Zanîngeha Dîcle Beşa Mamostetiya Zimanê Fransî ya Fakulteya Perwerdehiyê kuta kiriye. Di heman salê de li Amedê dest bi mamostetiyê kiriye û hê jî li Amedê vî karî didomine.

Yildirim ku di salên 90’î de kurtedemekê rojnamegerî û di televîzyonên herêmî de bernameçêkerî kiriye, heta niha nivîsên wî di cihên kovara W û Diyarname û Welatperwer û Zimanperwer derketine. Ew di heman demê de emdamê  Koma Zimanperwer e.

Pirtûkên Yildirim ku derketine:
1- Dagların Efendisi/KOÇERO (Weşanxaneya Orîent - 2006) Roman, (Weşanxaneya Ava - 2010) Çapa duyemîn
2- Elik û Fatik (Weşanxaneya Şaredariya Qeyapinarê – Berhevkirin, 2009) Çîrok
3-Zenga Zêra (Weşanxaneya Şaredariya Qeyapinarê- Berhevkirin, 2009) Çîrok
4- Nîvê Şevê û Tirkî (Weşanxaneya Pêrî - 2010) Çîrok