Diyarname
Festîvala Muzîkê ya Stenbolê îsal 40’emîn car deriyên xew ji bo muzîkhezan vekir. Di festîvala ku ÎKSV li dar dixe de li dor 750 hunermendî dê derkevin ser dikê û hunera xwe pêşkêş bikin.

Festîvala Muzîkê ya Stenbolê bû 40 sal li dar dikeve. Heta niha nêzî 3 hezar konser li dar xist, ji Tirkiye û derveyî Tirkiyeyê li dor 40 hezar hunermendî bûne mêvanên wan û hunera xwe pêşkêş kirine. Festîvala îsal 31’ê gulanê dest pê kir û heta 29’ê pûşperê li dar e ku di festîvala îsal de 25 çalakî hene.

Ji bo festîvala îsal li Haliç Kongre Merkezi merasima vekirinê dest pê kir. Di merasima ku Ceylan Saner pêşkêşvanî kir de Serokê ÎKSV’ê Bulent Eczacibaşi axivî û got ku tam 40 sal in ew mînakên neqandî yên muzîka klasîk ji dinyayê tînin derdixin pêşberî muzîkhezên Stenbolê. Eczacibaşi wisa got: “Festîvala yekemîn a Stenbolê rola pencereyeke ku li dinyayê vedibe, rola çand û hunerê girtibû ser milên xwe. Îro ne tenê konserên serketî li dar dixe, di heman demê de di qada navneteweyî de îmzeyan diavêjin bin berhemên hevpar, ji Tirkiye û derveyî Tirkiyeyê berheman bi bestekaran dide sazkirin, derfetê dide ciwanan ku xwe pêş bixin. Temaya festîvala me ya 40’emîn ‘hêvî û lehengî’ ye. Ez hêvî dikim îsal jî me festîvaleke ku hêviyên nû û lehengên nû pêşkêşî we dike amade kiribe.”

Di merazimê de plaketa sipasiyê dan sponsoran.Festîval ku her sal Xelata Rûmetê dide kesên di warê muzîka klasîk de xebat kirine, îsal ev xelat dan Huseyîn Sermet. Huseyin Sermet di sala 1976’an de dema di festîvala Stenbolê de cih girt 21 salî bû. Sermet li dinyayê digel orkestra û şefên navdar xebitiye û navdar bûye. Sermet xelata xwe ji destê Eczacibaşi girt.
Xelata Serketina Di Hemû Jiyanê de jî îsal didin  Giya Kancheli. Kancheli ku bi koka xwe li ser muzîka gurcî dixebite, mohra xwe daye muzîka klasîk, berhemên wî ji aliyê orkestrayên
New York Filarmoni, Kurt Masur, Gidon Kremer, Mstislav Rostropoviç ve hatine xwendin. Di konsera 11’yê mehê ya bi sernavê “Lingering” ya senfonîk de (saet 20.00, Aya Îrînî) dê xelata xwe bigire.

Ji bo kesên eleqedar: muzik.iksv.org

***

Nûçeya eleqedar:

- Festîvala Cazê 300 hunermendî dike mêvan