Diyarname

Êdî dema teksiyên bê mirov, yanê yên ku bê ajokar diçin, hatiye lê pirsgirêkek heye: Ew dibin sedema bûyeran. Çawa? Em ji serî dest pê bikin.

Li bajarê San Franciscoya DYA’yê li ser rêyeke yek alî û bi tevger qezayeke erebeyan rûda û kesek birîndar bû. Ji bo birîndar demildest bigihînin nexweşxaneyê ambulans hat lê ji bo ku li ser du xetên rê yên rastê 2 wesayîtên bê mirov rawestiyabûn ambulans di dema xwe de bi rê neket. Ev jî bû sedem ku birîndar dereng bigihîje nexweşxaneyê û bimire. 

Li ser vê yekê The New York Timesê nûçeyek belav kir. Nûçe ji aliyê Yiwen Lu ya ku berpirsyara şopandina teksiyên bêmirov e wekî raport hat parve kirin.     

Nûçeya ku maşîneyên bêmirov destnîşan dike şirketa xwediyê teksiyên bêmirov ''Cruise'' digire dest ku bûyerên bi vî rengî berî niha jî rû dane û teksiyên bêmirov dibin sedema qezayên bi vî rengî. 

Li ser bûyerê şirketa teksiyên bêmirov jî daxuyanî daye û dibejê sedema mirina kesê birîndar ne wesayîtên wan e û li gorî dîmenên bûyerê jî tê dîtin rê vekiriye û ambulans di demê xwe de çûye.

Li ser vê bûyerê rapora îtfaiyeyê ya San Franciscoyê jî diyar dike ku 2 wesayîtên Cruise yên bêmirov bûne sedem ku rê li pêşiya ambûlansê were birîn.

Li gorî raportê kesê ku di bûyerê de birîndar bûyî 3,8 km ji nexweşxaneya giştî Zuckerberg a San Francisco dûr bû û piştî ku ambûlans digihîjîne nexweşxaneyê di navbera 20 û 30 xulekan de dimire.

Piştgiriya teksiyên bêmirov ‘Cruise'ê ji aliyê şîrketa navendî ya Google Alphabetê ve hatiye dayîn. Ji par ve li bajarê San Franciscoyê dest bi kar kirine. Li hin heremên San Franciscoyê bi şev kar dikin. Ji serê salê pêde Cruise'ê hêjmara teksiyên bêmirov ji bo kar zêde kirine.