Diyarname
Kayê Olimpiyatî 2024 emsar Fransa de yenê organîzekerdişî. Fransizan vat ke heta beşkê wa ziwanê îngilîzî nêro şixulnayişî, fransizî bêro şixulnayişî.
Emsar Fransa qeybî kayê Olimpiyatî Paris 2024 mazûvanî kena. Meclisa Neteweyî ke beşê cêrîn ê Parlemenê Fransa ya biryarêke newe girot. Meclisa Neteweyî vat, "Dinya de zehf sporan de, sername, slogan û reklamanê înan de îngilîzî yeno şixulnayişî. Loma zî Kayê Olimpiyatî de tesîrê ziwanê ma beno vinî."
Meclisa Neteweyî eno biryar girot la Parlemena Fransa erê nêkero ti fêdeyê cê çiniyo.
Olimpiyat miyanê rocanê 26 temmuz û 11'ê tebaxî de yena viraştişî.