Diyarname
Komîsyona Hilbijartina Bilind a Serbixwe ya Iraqê biryar da ku pêvajoya hilbijartina Parlemena Herêma Kurdistana Federe bide rawestandin.
Hilbijartina Parlemena Herêma Kurdistana Federe gere par li dar biketa hatibû betalkirin, îsal du caran biryar guhartin, herî dawî biryar ew bû ku 10'ê meha pûşpera îsal de li dar bikeve. 
PDK'ê hilbijartin boykot kiribû. Serokwezîrê Herêma Kurdistanê Mesrûr Barzanî serî li dadgehê dabû ku biryara "Betalkirina Kotayan" bê betalkirin. Li ser vê Dadgeha Federal li gor Beşa 2'yan a Xala 2'yan daxwaza Barzanî anî cih. Li ser vê yekê Komîsyona Hilbijartina Bilind a Serbixwe ya Iraqê pêvajoya hilbijartinê da rawestandin. Komîsyonê got ku heta encamên nû derê dê pêvajo raweste. Niha êdî ne diyar e dê hilbijartina Parlemena Herêma Kurdistanê kengê li dar bikeve.
ÇEND HERÊMÊ ÇEND KURSÎ
Li gor ev xalên zagonê 4 herêm ji bo Parlemena Herêma Kurdistanê deng didin. Li van herêman 100 kursî hene.  Li Hewlêrê 34 kursî, li Silêmanî 38 kursî, li Duhokê 25 kursî, û li Helebçeyê 3 kursî hene. Ji bilî van 11 kursî jî ji bo kotayên kêmareyan hatibûn veqetandin; dadgehê ev 11 kursî betal kiribûn.
YNK DIJ DERKET
Karên Hiqûqî ya YNK'ê dijî biryara komîsyonê derket û rawestandina pêvajoya hihlbijartinê red ker. YNK'ê got ku biryar tenê li ser betalkirina kursiyên kotayên kêmareyan e, ne li ser hemû hilbijartinê ye û ew rawestandina pêvajoyê red dikin.
 

*** 

Li ser hilbijartinê hin Nûçeyên Eleqedar:

- Li ser hilbijartina Başûr 3 agahî

- Başûr; Komîsyona hilbijartinê dê navên namzetan eşkere bike

- Nimreyên beşdarên hilbijartina Başûr diyar bûn 

- Bafil Talabanî, 'Em dixwazin hilbijartin di dema xwe de çêbibin' 

- PDK, 'Em beşdarî hilbijartinê nabin' 

- Roja hilbijartina Herêma Kurdistanê diyar bû 

- Talebanî: Divê hilbijartinên Parlamentoya Herêmê bi awayekî şefaf bên kirin 

- Hilbijartina Herêma Kurdistanê wê kengê li dar bikeve? 

- Biryar hat dayîn: Roja hilbijartina Herêma Kurdistanê hat eşkere kirin 

 ** 

- Li Başûr 5 partiyan li ser hilbijartinê li hev kir 

- YNK û PDK li ser guhertinên yasaya hilbijartinê axivîn  

- Ji ber lidarneketina hilbijartina Herêma Kurdistanê 12 mebûsan îstîfa kir